އޮފީސް ނިމޭ ފަހުން ބޮސް ގުޅިއަސް ފޯނު ނަގަން ނުޖެހޭ ގާނޫނެއް އޮސްޓްރޭލިއާގައި ތަސްދީގުކޮށްފިއެވެ.
އޮސްޓްރޭލިއާގެ އައު ”ޑިސްކަނެކްޓްވުމުގެ ޙައްޤު“ ޤާނޫނުން މަސައްކަތް ނިމުމަށްފަހު ބޮސް އަށް އިޖާބަ ނުދިނުމުގެ ހުއްދަ ދެއެވެ
ފެބްރުއަރީ މަހު ފާސްކުރެވުނު މި ޤާނޫނުން، މަސައްކަތުގެ ގަޑިން ބޭރުގައި ވަޒީފާދޭ ފަރާތުން ގުޅުމުން އެކަމަށް އިޖާބަ ނުދިނުމުގެ ޙައްޤު މުވައްޒަފުންނަށް ލިބިދެއެވެ.
މި ޤާނޫނަށް އޮސްޓްރޭލިއާގައި މިއަދުން ފެށިގެން ޢަމަލުކުރަން ފަށާނެއެވެ. މަޤާމާއި ސަބަބަށް ބަލައި މި ޤާނޫނުގައި ވަކި އިސްތިސްނާތަކެއް ވެސް ހިމެނިފައިވެއެވެ.
މުވައްޒަފުންނަށް މަސައްކަތުގެ ގަޑިން ބޭރުގައި މޮބައިލް ޑިވައިސްތައް ނިއްވާލުމުގެ ޙައްޤު ދޭ މިފަދަ ޤާނޫނުތައް ޔޫރަޕިއަން ޔޫނިއަންގެ ގިނަ ޤައުމުތަކުގައި މިހާރުވެސް ޢަމަލުކުރެވެމުންދެއެވެ.
ގާނޫނުގެ އިތުރު ބައެއް ތަފްސީލު:
މުވައްޒަފުންނަށް މަސައްކަތުގެ ގަޑިން ބޭރުގައި ވަޒީފާދޭ ފަރާތުން ގުޅާ ގުޅުންތަކަށް ނުބަލައި، ނުކިޔައި އަދި ޖަވާބު ނުދީ ތިބުމުގެ ޙައްޤު ލިބިގެންދެއެވެ.
މި ޙައްޤު ބޭނުންކުރުމުގެ ސަބަބުން މުވައްޒަފުންނަށް އެއްވެސް ގޮތަކަށް އަދަބު ދިނުމަކީ މަނާކަމެކެވެ.
ނަމަވެސް، ކުއްލި ޙާލަތްތަކުގައި ނުވަތަ އެމަރޖެންސީ ޙާލަތްތަކުގައި މި ޤާނޫނަށް އިސްތިސްނާ ލިބިގެންދާނެއެވެ.
މި ޤާނޫނު ތަންފީޒުކުރުމުގައި ވަޒީފާގެ ބާވަތާއި މަސްއޫލިއްޔަތުތަކަށް ރިޢާޔަތްކުރެވޭނެއެވެ.
މި ޤާނޫނުގެ މަޤްޞަދަކީ މުވައްޒަފުންގެ މަސައްކަތާއި އަމިއްލަ ދިރިއުޅުމުގެ ތަވާޒުން ހިފެހެއްޓުމެވެ.
ފްރާންސް، ޖަރުމަނު އަދި އިޓަލީ ފަދަ ޔޫރަޕިއަން ޤައުމުތަކުގައި މިފަދަ ޤާނޫނުތައް ކުރިން ވެސް ތަޢާރަފުކުރެވިފައިވެއެވެ.
މި ޤާނޫނަކީ މުވައްޒަފުންގެ ޙައްޤުތައް ރައްކާތެރިކުރުމަށާއި، އެމީހުންގެ ދުޅަހެޔޮކަން އިތުރުކުރުމަށް އެޅޭ މުހިންމު ފިޔަވަޅެއް ކަމުގައި ބެލެވެއެވެ.
