ޠޯހިރުވާން ކަނައަތް ބޭނުންކުރުމާއިމެދު ފުރަތަމަ ކަމަކަށް ބުނެލަން އޮތީ، ނަޖިހުން ތާހިރު ވުމަށް ކަނާއަތް ބޭނުންކުރުން (ނަޖިސް ފިލުވުމަށް ކަނާއަތް ލުން) ނަބިއްޔާ ޞައްލަﷲ ޢަލައިހި ވަސައްލަމަ ވަނީ މަނާ ކުރައްވަވާފައެވެ. އެހެން ކަމުން އެކަމުގެ ޙިކުމަތްތައް ވާނެކަމީ ޝައްކެއްވެސް ނެތް ކަމެކެވެ.
ޑރ. މުޙައްމަދު ޢިޔާޟް ޢަބްދުލްލަތީފް
ބައެއް ޢިލްމުވެރިން ވިދާޅުވެފައިވަނީ ކަނައަތް ބޭނުންކޮށްގެން ނަޖިހުން ޠޯހިރުވާނަމަ ހަށިގަނޑުގެ ތެރެއަށް ޖަރާސީމުވަނުމުގެ ފުރުޞަތު އެތައް ތަނަކުން ބޮޑުވެގެންދާ ކަމަށެވެ. އަދި އެކަން ޞީއްޙީ ގޮތުން ވިސްނުމުންވެސް އެނގިގެންދާ ކަމަށެވެ. އެއީ ކާބޯތަކެތީގައި އަތްލުމާއި އަނގައަށް އަތްލުން ފަދަ ކަންކަމުގެ ސަބަބުންނެވެ. ކިތަންމެ ވަރަކަށް ދޮވުނަސް ޖަރާސީމު ހަރުލާފައި ހުރެދާނެ ކަމަށްޓަކައެވެ. އެކަންކަން އަންނަނީވެސް ކުރިމަތިވަމުން ކަމެވެ.
މިހާރަކަށް އައިސް ނަޖިހުން ޠޯހިރުވެފައި އެންޓިސެޕްޓިކް ލައިގެން އަތްދޮންނާތީ ޤަބޫލުކުރެވިފައި އޮންނަނީ އެވަރުން ފުދޭނެ ކަމަށެވެ. ނަމަވެސް އެވަރަކުން އަދި ނުފެދެއެވެ. އަތުގެ ސާފުތާހިރުކަމަށް އިހްމާލުވުމަކީ ގިނަ ބަލިތަކެއް ޖެހެން މެދުވެރިވާ ސަބަބެވެ. އެޒަމާނުގައި ސައިންސް ނެތަސް މިޙަޤީޤަތް ރަސޫލް ޞައްލަﷲ ޢަލައިހިވަސައްލަމަ އެވަނީ މީގެ 1450 އަހަރުކުރިން ބަޔާށންކޮށް ދެއްވަވައިފައެވެ.
