އީރާނުން ބުނެފައިވަނީ އިޒްރޭލުން ކޮންމެ ވަގުތެއްގައި އީރާނަށް ހަމަލާ ދިންކަމުގައި ވީނަމަވެސް މިސައިލްތަށް ހުރީ ތައްޔާރަށްކަމުގައެވެ. މިހާރުވެސް ތައްޔާރީ ހާލަތުގައި ދެހާހަށްވުރެ ގިނަ މިސައިލް އެބަހުރި ކަމަށްވަނީ ބުނެފައެވެ.
އިޒްރޭލުން އެމެރިކާގެ އެންމެ މޮޅެތި އެއަރ ޑިފެންސް ސިސްޓަމްތަށް ޖަމާކުރި ކަމުގައި ވީނަމަވެސް ސުންނާފަތި ނުވާނެ ގޮތް އެއީ ނެތްގޮތެއްކަމުގައެވެ. އިޒްރޭލުގެ އެންމެ ހައްސާސް ތަންތަން އީރާނަށް އެނގޭކަމުގައި އީރާނު އައި އާރ ޖީ ސީ ގެ އިސް ކޮމާންޑަރު ޖެނަރަލް ހުސެއިން ސަލާމީ ވަނީ އިންޒާރާއެކު ބުނެފައެވެ.
އީރާނުގެ އަތުގައި އިޒްރޭލަށް ވުރެ ބާރުގަދަ އެތަށް ހަތިޔާރެއް އެބަހުރިކަމުގައި ޖެނަރަލް ހުސެއިން ސަލާމީ ވަނީ ބުނެފައެވެ. އީރާނުގެ މިސައިލްތަށް ޔަހޫދީ އިޒްރޭލުގެ ފާހަގަކޮއްފައިވާ ހުރިހާ ޕޮއިންޓަކަށް އަރާނެކަމުގެ އިންޒާރު ވަނީ ދީފައެވެ. އީރާނުގެ ނިއުކްލިޔަރ ޕުލާންޓްތަކަށް ހަމަލާދީފިނަމަ އިޒްރޭލުގެ ނިއުކްލިއަރ ހުރިހާ ޕުލާންޓްތަކެއް އެއްކޮށް ގޮއްވާލާނެ ކަމަށް ވަނީ ބުނެފައެވެ.
އީރާނުން އޮތީ އެމެރިކާ އާއި އެކުވެސް ބޮޑު ހަނގުރާމަ އެއް ކުރަންޖެހިއްޖެ ނަމަ ތައްޔާރަށްކަމުގައި ވަނީ ބުނެފައެވެ. އަދި އިންޒާރުގައި ބުނެފައިވަނީ އިޒްރޭލަށް ކުރިއަށް އޮތީ ވަރަށް ވޭންދެނިވި ނުރައްކާތެރި ދުވަސްތަކެއްކަމުގައެވެ. މިހާރުން ފެށިގެން ރައްކާތެރި ކަމުގެ ފިޔަވަޅުތައް އަޅާ ފިލައިގެން ދާން ބޭނުންވާ މީހުން އިޒްރޭލު ދޫކޮށް ދާންވީ ކަމުގައެވެ. ނޫންނަމަ މަރާ ކުރިމަތިލާން ތައްޔާރުވެގެން ތިބުމަށް ވަނީ އިންޒާރު ދީފައެވެ.
މަސްރަހު ދިރާސާކުރައްވާ ބޭފުޅުން ބުނާގޮތުގައި މި އިންޒާރުން ދޭހަކޮށްދެނީ ހިޒްބުﷲއިން އެޓޭކިންގް ލެވެލް މަތިކޮށް ބާރުގަދަ ހަތިޔާރުން ހަމަލާދޭން ނިންމި ނިންމުވެސް ހިމަނައިގެން އެވިދާޅުވަނީ ކުރިއަށް އޮތީ އިޒްރޭލާ އެކު ވަރުގަދަ ހަނގުރާމައެއް ފެށުމުގެ ވާހަކަ ނުސީދާކޮށް ބުނެދިނުމެވެ. އީރާނުން މިހާރު ވަނީ ވަރަށް ބޮޑަށް އިޒްރޭލާ އެކު ހަނގުރާމައަކަށް ދާން ޖެހުނަސް ތައްޔާރުވެގެންނެވެ. ހަނގުރާމައިގެ ތަހުލީލުތައް ހަދާ ފަރާތްތަކުން ބުނާގޮތުގައި އީރާނުން އެބުނާ އަދަދަށް މިސައިލްތަށް ފޮނުވާލައިފި ނަމަ އެމެރިކާ އަށްވެސް އިޒްރޭލަށް ވެސް ކެތްކުރުމަކީ ވާނޭ ކަމެއް ނޫނެވެ. ނަމަވެސް އިޒްރޭލުން އަނެއްކާވެސް އެމެރިކާގެ އެއަރ ޑިފެންސް ސިސްޓަމް ކަމަށްވާ ތާދް މަރުކާގެ އެއަރ ޑިފެންސް ސިސްޓަމްތަކަށް ވަނީ އެދިފައެވެ. މިހާރު ވެސް ވަނީ އެމަރުކާގެ ޑިފެންސް ސިސްޓަމްތަށް އިޒްރޭލަށް އެތެރެކޮއްފައެވެ.
ހިޒްބުﷲއިން އިއްޔެ ޔަހޫދީ އިޒްރޭލުގެ ހައްދުފަހަނައަޅާފައިވާ ބޮޑުވަޒީރު ގެ ގެއަށް ދިން ހަމަލާގައި ބޭނުންކޮށްފައި ވަނީ އީރާނުގެ ޑުރޯން އެކެވެ. ޔަމަނުގެ ހޫތީންވެސް ވަނީ އިޒްރޭލަށް ވަރުގަދަ އިންޒާރެއް ދީފައެވެ. ޔަމަނުން ބުނެފައިވަނީ ދެން ފޮނުވާލާ ކޮންމެ މިސައިލެއް ދާނީ ސީދާކޮށް ހައިފާއަށް ކަމުގައެވެ. އިޒްރޭލުގެ ހުރިހާ ހައްސާސް ތަނަކަށް ހަމަލާ ދޭނެކަމަށް ވަނީ އިންޒާރުގައި ބުނެފައެވެ.
