ދިވެހި ރާއްޖޭގައި ވޭޕް އަށް ޑްރަގް އަޅައިގެން ބޮއެ ޒުވާން ޖީލު ހަލާކުވަމުން ދާތީ ސިއްހީދާއިރާ އަދި ތައުލީމީ ދާއިރާ އާއި ބެލެނިވެރިންގެ އިތުރުން އެތައް ރައްޔިތުންގެ ކަންބޮޑުވުމާއެކު ރައީސް މުއިއްޒު ވޭޕް މަނާކުރަން ނިންމުމުން އެކަމާ ދެކޮޅަށް އެމްޑީޕީން މިއަދު މުޒާހަރާ ކޮށްފިއެވެ.
މުޒާހަރާގައި އިސްކޮށް ހަރަކާތްތެރިވީ އެމްޑީޕީ މަޖްލިސް މެމްބަރުންނާއި އެމްޑީޕީގެ އެކްޓިވިސްޓުންނެވެ. ގޯތި ނަމުގައި މުޒާހަރާ ފަށާ އުންމަތުގެ ހައްގުގައި ކަމަށްބުނެ ފަލަސްތީނު ތަމްސީލުވާހެން ވޭޕް ޕްރޮމޯޓު ކޮށް އެމްޑީޕީން ވަނީ އަޑު އުފުލާފައެވެ.
އެމީހުން ބުނީ ވޭޕު މަނާކުރުމަކީ ކުށެއް ކަމަށާއި އޭގެ ސަބަބުން ކުދި ވިޔަފާރިތައް ފުނޑޭނެ ކަމަށެވެ. އަދި ވޭޕު މަނާކުރުމުން ސަރުކާރު ވައްޓާލާނެ ކަމަށް ބުނެ ފުލުހުންނަށް މުޒާހަރާގެ ބައިވެރިން ވަނީ އިންޒާރު ދީފައެވެ.
އަންނަ މަހުގެ 15 ވަނަ ދުވަހުން ފެށިގެން ދިވެހިރާއްޖޭގައި ވޭޕްކުރުން ހުއްޓުވުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މުހިންމު ނިންމެވުންތަކެއް ނިންމަވާފައެވެ.
މި ނިންމެވުންތައް ހާމަކުރައްވައި، އެމަނިކުފާނު ވިދާޅުވީ، ”ވޭޕްކުރުމަށް ބޭނުންކުރާ ތަކެއްޗާއި، އެ ތަކެތީގެ ވަކިވަކި ބައިތައް ދިވެހިރާއްޖެއަށް އެތެރުކުރުން 15 ނޮވެމްބަރ 2024 އިން ފެށިގެން މަނާ ކުރުމަށާއި، ދިވެހިރާއްޖޭގައި ވޭޕްކުރުމަށް ބޭނުންކުރާ ތަކެތި ބޭނުންކުރުމާއި، ގެންގުޅުމާއި، އުފެއްދުމާއި، ވިއްކުމާއި، ރާއްޖޭގައި އިޝްތިހާރު ކުރުމާއި ހިލޭބެހުން 15 ޑިސެމްބަރ 2024 އިން ފެށިގެން މަނާކުރުމަށް ކުރަންޖެހޭ އެންމެހާ ކަންކަން ކުރުމަށް ކަމާބެހޭ ފަރާތްތަކަށް“ އެމަނިކުފާނު އަންގަވާފައިވާ ކަމަށެވެ.
މި ނިންމެވުން ރައީސް ނިންމެވި އިރު މި ދަނޑިވަޅަކީ ރާއްޖޭގައި ވޭޕް އަދި އިލެކްޓްނިކް ސިނގިރޭޓް މަނާކުރުމަށް އަވަސް ފިޔަވަޅުތަކެއް އެޅުމަށް ރާއްޖޭގެ މެޑިކަލް އެސޯސިއޭޝަނާއި، ކުޅިވަރު ޖަމިއްޔާތަކުގެ އިތުރުން ބެލެނިވެރިންވެސް ވެސް ވަނީ ރައީސްގެ އަރިހުން އެދިވަޑައިގެންފައިވާ ދަނޑިވަޅެކެވެ.
