ނިމިދިޔަ އެމްޑީޕީގެ 5 އަހަރުގެ ދައުރުގައި އިންޑިޔާގެ އިންދުރާ ޕްރޮޖެކްޓްސް (61 ޕޮލިސް ސްޓޭޝަން) އެޅުމުގެ ނަމުގައި އިންޑިއާއިން ނެގި 2.5 މިލިއަން ޑޮލަރު ކުރީގެ އިގްތިސާދީ ވަޒީރު ފައްޔާޒު އިސްމާއިލްގެ ހިއްސާ އޮންނަ ”ބިގް“ ކުންފުނީގެ އެކައުންޓަށް ޖަމާކުރިކަން ފުލުހުންގެ ތަހުގީގަށް ހާމަވެއްޖެއެވެ.
61 ޕޮލިސް ސްޓޭޝަން އެޅުމުގެ ނަމުގައި ނެގި އެތަކެއް މިލިއަން ޑޮލަރު ވަނީ ފައްޔާޒުގެ އަމިއްލަ ގާތް ތިމާގެ މީހުންގެ އެކައުންޓަށް ޖަމާކޮށް ފައްޔާޒުގެ އަމިއްލަ ކަންކަމަށްވެސް ހޭދަކޮށްފައިކަން ތަހުގީގަށް ވަނީ އެނިގައެވެ.
މަޖުލިސް އިންތިހާބުގައި އެމްޑީޕީއަށް ވޯޓު ނުދޭން ޖެހެނީ މިހެންވެއެވެ. 61 ފުލުސް އިމާރާތް އަންޑަރ ކޮންސްޓުރަކްޝަން ޖަހާލާފަ، ލާރިގަނޑު ކަހާލީ އަމިއްލަ ޖީބަށެވެ.
އިންޑިޔާގެ އިންދުރާ ޕްރޮޖެކްޓްސް (61 ޕޮލިސް ސްޓޭޝަން) އަޅަން ހަވާލުކުރި ފަރާތުގެ ސިންގަޕޫރު ކުންފުނިން ފައްޔާޒުގެ ހިއްސާއޮތް ”ބިގް“ ކުންފުންޔަކަށް ގ.މޫނިމާގެ ހަދަން 2.5 މިލިއަން ޑޮލަރު ޖަމާކުރިއެވެ. އަދި އާރުޑިސީ ކުންފުނީގެ އެކައުންޓުތަކުން ފައްޔާޒަށް ލާރި ލިބުނުކަން ފުލުހުންގެ ތަހުގީގަށް ވަނީ ހާމަވެފައެވެ. އަދި އޭގެން ފައްޔާޒުގެ ޕާރސަނަލް ކަންކަމަށް ހަރުދުކޮށްފައި އެބަހުރި ކަމަށާއި، ކުރެޑިޓް ކާރޑަށް ފައިސާ ދައްކާފައި އެބަހުރިކަމަށް ”ރާކަނި“ އަށް މައުލޫމާތުދިން ފުލުހުންގެ އިސް އޮފިޝަލަކު ވިދާޅުވިއެވެ.
މިސަރުކާރުން ދިވެހީންގެ އަމިއްލަބާރުގައި އަސްކަރީ ޑްރޯން ދުއްވަން ފެށުމާއެކު ފައްޔާޒު ރަތަށް އަރައިގެން ޕޯޑިއަމެއްގައި ބުނީ ސަރުކާރު ވައްޓާލާ ވާހަކަ އެވެ. ފައްޔާޒުމެން މިއަދު ނުކުމެ އަޑަށް ބާރުލާފައި ބަގާވާތަކުން މިހާރުގެ ސަރުކާރު ވައްޓާލާ ވާހަކަ އެ ދައްކަނީ މިބޮޑެތި ޖަރީމާތައް ތަހުގީގުކޮށް މި މީހުން ޖަލަށްދާން ޖެހޭނެކަން ޔަގީންވާތީއެވެ. މިހާ ސްމާރޓު ވަގުންނަށް ދެން ވެރިކަން ވައްޓާލުން ނޫންގޮތެއް ނޯންނާނެ ނޫންހެއްޔެވެ؟
މީގެ އިތުރުން އިންދްރާ ޕްރޮޖެކްޓަށް ދިވެހި ސަރުކާރުން ދެއްކި 15 ޕަސަންޓް ގެ އެއްބައި އިންޑިއާގެ އެގްޒިމް ބޭންކްގެ ލޯނު އަދާކުރުމަށް ދިނުމުން އެ ފައިސާއަށް ވީގޮތްވެސް އަދިވެސް ނޭނގެއެވެ.
މިދިޔަ އެމްޑީޕީގެ ސަރުކާރުން ހިންގަން ނިންމާ ނުހިންގި ހުއްޓިފައިވާ ޕްރޮޖެކްޓްތަކުން އެމްޑީޕީގެ އިސްވެރިން ނެގި ފައިސާގެ ތަފްސީލް ފުލުހުންގެ ތަހުގީގަށް ދަނީ ހާމަވަމުންނެވެ.
ކެޔޮކޭވަރު އެނގޭނީ ބިތުފަންގި ނެގީމައެވެ. އެމްޑީޕީން ބިރުން ތެޅިފޮޅެނީ ބިތު ފަންގި ނެގެމުންދާތީކަން ރައްޔިތުންނަށް ވަރަށްސާފެވެ.
