ޢިލްމްވެރިން ތަކުރާރުކޮށް އެކަމުގެ ޙަޤީޤަތް ވިދާޅުވެދެއްވަމުން ގެންދަވާއިރުވެސް އަދި އެކަމަށް އިންޒާރު ދެއްވަމުން ގެންދަވާއިރުވެސް ސިޙުރު ހެދުމާއި ސިޙުރު ހެއްދުވުން ބިރުގަންނަން ޖެހޭ މިންވަރަށް ގިނަވަމުން އަންނަކަން އެއީ މުޅި މުޖުތަމަޢުއަށް އޮތް އެންމެ ބޮޑު އެއް ނުރައްކަލެވެ. ސިޙުރުގެ ވަބާއިން ސަލާމަތްވެވިގެން ތިބި ޢާއިލާއެއް ނެތްކަމަށް ބުނަންޖެހޭ މިންވަރަށް އެވަބާ މިވަނީ ޢާންމުވެފައެވެ.
އެހެންކަމުން ތިރީގައިވާ ލިޔުން ވިދާޅުވެލައްވައި ކަމުގެ ހުރި ނުރައްކައުތެރިކަމުގެ ބޮޑުކަން އެނގުމަކީ ވަރަށް މުހިންމު ކަމެއްކަން ފާހަގަކުރެވެއެވެ!
ސިހުރުވެރިންނަކީ ކަނޑައެޅިގެން ކާފަރުން
އަޅުގަނޑުމެންނަށް ދެން ތުންތުންމަތިން އަޑުއިވޭ ވާހަކައެއް މީ ކޮންމެވެސް އަންހެނަކު ހާސިލް ކުރުމަށްޓަކާ ނުވަތަ މި ލޯބިވާ އަންހެނަކު ހުރީމަ އެމީހަކު ހާސިލް ކުރުމަށްޓަކާ ކޮންމެވެސް މީހެއް ކައިރިއަށް ގޮސްގެން ފަންޑިތައެއް ހަދާލާވާހަކަ. މިގޮތަށް ހަދާ ހެދުން ނުވަތަ އަދި އިސްތިރިއާއި ވަރިތޮޅި އަދި ކަމުގައި ވީނަމަވެސް، މިހެން ހަދާހެދުން މީ ކިހާ ނުބައި ކަމެއްތޯ؟
ބައެއް ބޭފުޅުން ބުނާގޮތުން ވިއްޔާ ސީދާ މީހާ ޝިރުކަށް އެބަ ހުށައެޅިގެންދެއޭ، އެވަރު ކަމެއްތޯ ނުވަތަ އެއީ ޙަޤީގަތުގައިވެސް. ކޮބައިތޯ މީގަ ނުރައްކާތެރިކަމަކީ؟ ޝިރުކަށް ހުށައެޅިގެން ދޭތޯ މި ކަންތައް؟
އާދެ، ޝައްކެއްވެސް ނެތް ތީގެ ތެރެއަށް، ތީ އަޅުގަނޑުމެން އަސްލު މި މަޢުލޫއަކީ އިނގޭތޯ ވަރަށް ފުޅާ ވަރަށް ދިގު، އަޅުގަނޑަށް ހަމަ ތިކަމާ ބެހޭގޮތުންވެސް އަޅުގަނޑު ބޭނުންވޭ އެއްގަޑި ދެގަޑިއިރު ވާހަކަ ދައްކަން އިނގޭތޯ. އެއީ ޙަޤީގަތުގަ މި މުޖުތަމަޢުގަ އޮތް ވަރަށް ނުރައްކާތެރި ކަމެއްގެ ވާހަކަ ތި ވިދާޅުވަނީ އިނގޭތޯ.
މިހާރު އިސްތިރި ވަރިތޮޅީގެ ވާހަކައަކީ އެއީ ހަމަ ކަނޑައެޅިގެން ޝިރުކު. ”އައްތައުލިޔާ“ އޭގެ ތެރެއަށް މި ވަންނަނީ. އެ ޝިރުކުގެ ތެރެއަށް އޭތި ވަންނާނެ. ރަސޫލާ ޞައްލަﷲ ޢަލައިހި ވަސައްލަމަ ޙަދީޘް ކުރައްވަނީ ޝިރުކޭ އެއީ. ކީއްވެގެން ޝިރުކަށް މިވަނީ؟ އަސްލު ޙަޤީގަތުގައި މި ފަންޑިތަ ހަދާމީހުން މިއުޅެނީނޫންތޯ. އެބޭފުޅުން އަސްލު ވަކި ރާއްޖެއެއް ނޫން. ދުނިޔޭގެ ހުރިހާ ތަނެއްގައިވެސް އެގޮތް އޮތީ. އޭގެތެރެއިން ގިނަ މީހުންނަކަށް ނޭންގޭނެ މި ވަނީ ކިހިނެއްކަމެއް، އިނގޭތޯ. ކޮން ކަމެއްކަމެއް މި ކުރެވެނީ.
ޙަޤީގަތުގައި މި ފަންޑިތައަކީ އެއްކަލަ ގޮޅިތަކެއް ކުރަހާފަ، އަކުރުތަކެއް ޖަހާފަ، ނަންނަބަރުތަކެއް ޖަހާދަ، މި ނަންބަރުތައްވެސް ހުންނާނެ އެ އަކުރުތަކާއި ގުޅިފަ ހުންނަ ނަންބަރުތަކެއް. ދެން މިގޮތަށް ޖަހާފަ މި ކަންތައްތައް މިކުރަނީ. ކޮށްފަ އެމީހުން މީތި މި ވަޅުލަނީ މިސާލަކަށް ބުނަންޏާ ހަދާފާނެ އިގޭތޯ ލޭ، ލެއިން ލިޔެފާނެ ޤުރުއާން، ޤުރުއާނުގެ އާޔަތެއް، ނަޖިސް އެއްޗެއް ނުންތޯ؟ އަދި އެވެސް މައްސަރު ކަންތަކުގެ، އަންހެނާގެ މައްސަރު ކަންތަކުގެ ލެއިންވެސް އެމީހުން އެކަން ކުރޭ.
ދެން ހަމައެއާއެކު ގެންގުޅެފާނެ ނަޖިސް އިނގޭތޯ. ޖަނަވާރެއްގެ ގުއި އޭގެތެރެއަށް އަޅާފަ ވަޅުލާ، ކަންތައްތައް ކޮށްފާނެ. ނޫނީ އެކަން ކުރާއިރުގަ މުސްކުޅި ޤަބުރެއްގެ ތެރެއިން ޤަބުރު ކަށިނަގައިގެން ހަދާފަވެސް ވަޅުލަފާނެ. މިކަހަލަ ކަންތައްތަކެއް މި ކުރަނީ. ދެން އަދި އަނެއްބައިފަހަރަށް އެއްކަލަ ދޫނި އެއްޗެތި ކަތިލައިގެން، ކުކުޅު ހާ ކަތިލައިގެން އެ ލޭ އޭގެތެރެއަށް އަޅައިގެން އެއިން އެއްޗެއް ހަދާ ބަހައްޓާފަ، ތި އިސްތިރި ވަރިތޮޅީގައި އެމީހުން ހަދާފާނެ ކޮތަރެއްގަ އެލުވި، ނޫނީ ދޫންޏެއްގަ، އެއްކަލަ ވައިގެ ތެރޭގަ އޭތި ދައުރުކުރަން، ދެން އެމީހުން މި ބުނަނީ ވައިގެ ތެރޭގަ ދަތުރު ކުރީމައޭ، ނުވަތަ ވައި ޖެހުނީމައޭ އެއްކަލަ އަންހެން މީހާއަށް ނުވަތަ ފިރިހެންމީހާއަށް އަސަރު ކުރާނީ. އެހެންވީމަ އެގޮތަށް އެކަންތައްތައް މި ކުރަނީ. އެހެންވީމަ ކަނޑައެޅިގެން މި ކުރެވެނީ ހަރާން ކަންތައްތަކެއް އިނގޭތޯ.
ދެން މިކޮށްފަ ކިހިނެއް މިވަނީ؟ މީ އަސްލު ހަޤީގަތުގަ މި ގޮވާލެވެނީ އެއްކަލަ ޝައިޠާނާ، ޖިންނިއަށް މީތި ގުޅިފަ އޮންނަނީ، ޝައިޠާނުންނާ އިނގޭތޯ. އެ ޝައިޠާނުންނާ ގުޅިފަ އޮންނާނީއޭ މި ދެންނެވީ އެއީ އަސްލު ސުލައިމާނު ޢަލައިހިއް ސަލާމްގެ ޒަމާނުގައިވެސް ޝައިޠާނުން އެކަން ދަސްކޮށްދިނީ. ޝައިޠާނުން އިންސާނުންނަށް ވިސްނައިދިނީ ސުލައިމާނުގެ ފާނަކީ ސިހުރުވެރިއެކޭ. އެހެންވީމަ ސުލައިމާނުގެފާނު އަވަހާރަވުމަށް ފަހުގައި ސުލައިމާނުގެ ފާނުންގެ ތަހްތުގެ ދަށުގައި ހުރި ތާބޫތު މި ޝައިޠާނުންތައް އަރިހުގައި އައިއްސަހުރި، ނަގައިގެން އޭގެތެރެއަށް ސިހުރު އަޅާފަ ބަންދު ކޮށްފަ، ފަހުން އިންސާނުންނަށް އެތައް ޒަމާނެއްގެ ފަހުން މި އަންގަނީ އޭތި ނަގާށޭ، އޭގަ ވެއްޖެއޭ ސުލައިމާނުގެފާނުގެ ފޮތްބޮޑި. ސުލައިމާނުގެ ފާނުގެ ފޮތްބޮޑި ވެއްޖެއޭ . ބެލިއިރުގަ، އޭތި ބެލިއިރުގަ އޭގަ މި އޮންނަނީ ސިހުރުގެ އެއްޗިހި ލިޔެފަ، ކޮންބައެއް މި ލިޔުނީ؟ ޝައިޠާނުން. އެހެންވީމަ އެ ދެން އެމީހުން މި ކިޔަންފެށީ ސުލައިމާނުގެ ފާނު އެއީ ސިހުރުވެރިއެކޭ.
އެހެންވީމަ މި ދެންނެވީ އަސްލު ހަޤީގަތުގަ މީގަ ހުންނާނީ އެ ޤުރުއާންވެސް ހުންނާނެ، މިބުނާ ކަހަލަ ރަމްޒުތައްވެސް ހުންނާނެ. އެ ރަމްޒުތައް ގުޅިފަ ހުންނާނީ ކޯންޗަކާ؟ ތަރިތަކާ. ހަތް ތަރިއެއް ގެންގުޅޭނެ އިނގޭތޯ. އެއީ އެއްކަލަ ބާބިލްގަތާ މީތި އެންމެ މައްޝޫރުވެގެން ދިޔައީ. ބާބިލް ގެ ރަށު މީހުން، އެމީހުން އެ ތަރިތަކަށް އަޅުކަން ކުރަމުން ދިޔަ ބައެއް. ދެން އެހެންނަމަވެސް އިބްރާޙީމްގެފާނާ ބެހޭގޮތުންވެސް، އެކަލޭގެފާނު (އަރަބި) “ އެ ތަރިތަކަށް ބައްލަވާ ލެއްވުމަށްފަހު ވިދާޅުވިއެވެ، ބަލިވެއޭ. މިއަދު ބައްޔޭ ނުދާނަމޭ.“ އެއީ އެކަމަކު އެމީހުންގެ ސިކުނޑިއަށް އެ ގެނައުމަށްޓަކާ، އިބްރާޙީމްގެފާނަކީ އެކަހަލަ ބޭފުޅެއް ނޫން.
ދެން އެހެންވީމަ އެމީހުން އެ ރަމްޒުތަކެއް ކުރަނީ. ރަމްޒުތަކެއް ކޮށްފަ އެ ބާބިލްގެ މީހުން ޤުރުބާނީތަކެއް ކުރަނީ. އެމީހުންނަށް ދޭންޖެހޭ ޤުރުބާނީތަކެއް އޮންނާނެ. އެމީހުންނަށް އެ ވަކި ދުވަސްވަރެއްގަ އެ ތަރިތައް ދައުރުވާ ދައުރުވުމަށް އެ އަޅަންޖެހޭ ހެދުމެއް އޮންނާނެ. ކުރަންޖެހޭ ކަންތައްތަކެއް އޮންނާނެ. މިހާރުވެސް މިތާ، މިހާރުގެ ޒަމާނުގައިވެސް މި ފަންޑިތަ ހަދާމީހުން އެއާ އެ ދިމާކުރަނީ. މިވެނި ތަރިއެއް އަރާ ވަގުތު މިވެނި ގޮތަކަށް ވާއިރު، އެހެންމަ މީ އަސްލުގަ ޝައިޠާނާއަށް އަޅުކަން މި ކުރެވެނީ. ޝައިޠާނާ މިމީހުންނަށް މި ވަސްވާސް ދެނީ މިހެން ހަދާށޭ، އެހެން ހަދާށޭ. އެއީ ކީއްކުރަން؟ ޤުރުއާނަށް އިހާނެތިކޮށް ހިތަން. އިސްލާމްދީނަށް އިހާނެތިކޮށް ހިތަން.
ޤުރުއާނަށް އިހާނެތިކޮށް ހިތުނީތާ، ޤުރުއާނާ އެކުގަ އެހެން އެއްޗިހިތަކެއް ލާފަ، އޭގެ ތެރެއަށް ނަޖިސް އަޅާފަ. އިނގޭތޯ ރާއްޖޭގައިވެސް އަޅުގަނޑު އަޑުއެހިން އަޖިދަށް ފަންޑިތަ ހަދައޭ ކިޔާ. އެއީ މަސްވެރިކަމަށް ހަދާ ފަންޑިތައެކޯލަ. އަޅުގަނޑަކަށް ނޭންގެ. އޭތި ހެދި މީހަކު ހެދިތަން ދެކެފައި މީހަކު އަޅުގަނޑު ކައިރީ ކިޔައިދިން. އޭނަ ހުރީ ބޮޑުކަމު ގޮއްސަ، ކުޑަކަމު ގޮއްސަ ތާހިރު ނުވެ، އޮރިޔާމުން ހުރެގެން އިރު އަރާކޮޅަށް ދެރަކްޢަތް ނަމާދެއް ކުރީ. އަޅުގަނޑަކަށް ނޭންގޭ އެއްގޮތަކަށްވެސް. މީ އަޅުގަނޑު ކައިރީ މީހަކު ކިޔައިދިން އެއްޗެއް.
ވިސްނާ ބައްލަވާ ﷲ އަށް އަޅުކަން މި ކުރަނީ އޮރިޔާމުން ހުރެގެން، ނަމާދު ކުރަންވީ ނަޖިހުން ޠާހިރުވެގެން ހުރެ. އެހެންމަ މިހުންނަނީ ހަޤީގަތުގަ ކުފުރުގެ ދަރަޖައަށް އެދިޔައީ. އެހެންވީމަ ސިހުރު ހަދާ މީހާ އެދަނީ ކުފުރުގެ ދަރަޖައަށް. އަދި މި ނޫނަސްވެސް ކުރެވޭ އެތައް ބައިވަރު ކަންތައްތަކެއް ހުރޭ. އަޅުގަނޑު ދުށިން މީހަކު ހުންނަނީ ހަނދު އޮއްސެން ދާއިރުގަ އެއަށް ކުރިމަތި ލައިގެން، އޮރިޔާމުން ކަހަލަ ގޮތަކަށް މިހެން ހަދާލައިގެން ހުރެގެން އެ ކީއްކުރަނީ ބާއޭ! ދެން އަޅުގަނޑު ހޯދި ހޯދުމުގަ މީ ހަނދު އޮއްސެން ދާގަޑީގައި ޝައިޠާނަކަށް އަޅުކަން ކުރަނީ އިނގޭތޯ. މި މީހުންނަކަށް ނޭންގެ މި ކުރެވެނީ އެކަމެއްކަމެއް. އެހެންމަ މީ ވަރަށް ނުރައްކާތެރި ކަމެއް.
ސިހުރު ހަދާ މީހުންނަކީ އެއީ ކަނޑައެޅިގެން ހަމަ ކާފަރުން އިނގޭތޯ، ކުފުރުވެރިން އެއީ. އެ އާޔަތުގަވެސް އިންނަނީ އެހެން ނޫންތޯ. ބަޤަރާ ސޫރަތުގައި، އެ އާޔަތުގައިވެސް އެ އިންނަނީ އެހެން — ދެން އޭގަ އިންނާނެ — “ ކަލޭމެން ކުފުރު ނުކުރާށެވެ.“ އެހެންވީމަ މި ޢިލްމުވެރިން ވިދާޅުވަނީ ސިހުރު ހަދާމީހުންނަކީ ކާފަރުންނޭ. އެމީހުންނަށް ނޭންގިތިބެ، މީ ވަރަށް ބިރުވެރި ކަމެއް އިނގޭތޯ. މި ދައްކަނީ މި އާދައިގެ ވާހަކައެއް ނޫން. ތިމާގެ އަމިއްލަ އެދުންތަކެއް ނުވަތަ މީހުންގެ އެދުންތަކެއް ފުއްދައި ދިނުމަށްޓަކާ މަދު ލާރިކޮޅެއް ހޯދާފައި ތިމާގެ ދީން ވިއްކާލާ، ތިމާގެ ދުނިޔެއާއި އާޚިރަތް ހަލާކު ކޮށްލެވެނީ ނޭންގި ހުރެ.
