މިއަހަރުގެ ފުރަތަމަ ދުވަހު 311 ޓަނުގެ މަސް ކިރުވާފައިވާކަމަށް މިފްކޯއިން ބުނެފިއެވެ.މިފްކޯއިން އާންމުކޮށްފައިވާ ތަފާސްހިސާބުތައް ދައްކާގޮތުން މިއަހަރުގެ ފުރަތަމަ ދުވަހު އެންމެ ގިނައިން މަސްކިރުވާފައިވަނީ ހުވަދު އަތޮޅަށެވެ. ހުވަދުވަހު އަތޮޅު ދެކުނުބުރީގެ 22 ދޯންޏަކުން 92.6 ޓަނުގެ މަސް މިފްކޯގެ ބޯޓުތަކަށް ކިރުވާފައިވާއިރު ހުވަދު އަތޮޅު އުތުރުބުރީގައި ހަރަކާތްތެރިވަމުންދާ 20 ދޯންޏަކުން 80.7 ޓަނުގެ މަސް ވަނީ ކިރުވާފައެވެ.
ޅ. އަތޮޅުގެ 15 ދޯންޏަކުން 58.1 ޓަނުގެ މަސް ކިރުވާފައިވާއިރު ޖެނުއަރީ މަހުގެ 1 ވަނަ ދުވަހު މިފްކޯގެ މަސް ބޯޓުތައް ފިޔަވައި އެންމެ ގިނައިން މަސްކިރުވާފައިވަނީ ކޫއްޑޫއަށެވެ.އެއީށް 80.7 ޓަނުގެ މަހެވެ. މިއާއެކު ޖުމްލަ 79 ދޯންޏަކުން 311 ޓަނު މަސް ވަނީ ކިރުވާފައެވެ.މިފްކޯއިން މިހާރު އަންނަނީ ރައީސްގެ ވައުދުފުޅާ އެއްގޮތަށް މަސް ކިރުވާތާ 48 ގަޑިއިރުގެ ތެރޭގައި ފައިސާ ދެމުންނެވެ.
މި ސަރުކާރުން ވެރިކަމަށް އައި ފަހުން މަސްވެރިންނަށް 1.18 ބިލިއަން ރުފިޔާ ދޫކޮށްފައެވެ.
48 ގަޑިއިރުގެ ތެރޭގައި ފައިސާ ޖަމާވަނީ ބޭންކް އޮފް މޯލްޑިވްސްގައި އެކައުންޓް ގެންގުޅޭ ފަރާތަކަށްކަމަށްވާއިރު އިސްލާމިކް ބޭންކް (އެމްއައިބީ)ގައި އެކައުންޓް ހުޅުވާފައި ހުރި މަސް ދޯނިތަކަށް 48 ގަޑިއިރު ތެރޭ ފައިސާ ދެވޭނެ އިންތިޒާމު ހަމަޖެއްސުމުގެ މަސައްކަތް ސަރުކާރުން ދަނީ ކުރަމުންނެވެ.
