ލަންކާއަށް ވޭޕް އެތެރެކުރި މީހަކު ހައްޔަރުކޮށްފިއެވެ.
ލަންކާގެ މައި އެއާޕޯޓު ބަންޑާރަނަޔަކަ އިންޓަނޭޝަނަލް އެއާޕޯޓުން ހައްޔަރުކުރި އެމީހާ ވަނީ 6 މިލިއަން ރުޕީސްގެ އަގުހުރި ވޭޕް އެތެރެކުރަން މަސައްކަތް ކޮށްފައިކަމަށް އޮފިޝަލުން ބުނެއެވެ.
އުމުރުން 32 އަހަރުގެ އެމީހާ އަކީ ކޮން ގައުމެއްގެ މީހެއް ކަމެއް ހާމަކޮށްފައިނުވި ނަމަވެސް އެމީހާ ހައްޔަރުކޮށް އެ ގައުމުގެ ފުލުހުންގެ ނާކޮޓިކްސް ޑިވިޝަނާ ހަވާލުކޮށްފައިވާ ކަމަށް ރިޕޯޓުތައް ބުނެއެވެ.
ހޯމަ ދުވަހު ސްރީލަންކަން އެއާލައިންސްގައި މެލޭޝިއާއިން ލަންކާއަށް ދިޔަ އެމީހާ ވަނީ އޭނާ ގެންގުޅުނު ދެ ލަގެޖެއްގައި 455 ވޭޕު ފޮރުވާފައިކަމަށް އޮފިޝަލުން ބުނެއެވެ.
ފުލުހުން ވަނީ އެމީހާ އަކީ ލަންކާގައި ޓްރެވެލް އެޖެންސީއެއް ހިންގާ މީހެއް ކަމަށް ބުނެފައެވެ.
ލަންކާގެ ފުލުހުންގެ ނާކޮޓިކްސް ޑިވިޝަނުން ވަނީ އެގައުމަށް އެތެރެކުރި ވޭޕުގެ މައްސަލައިގެ ހާއްސަ ތަހުގީގެއް ފަށާފައި ކަމަށް ރިޕޯޓުތައް ބުނެއެވެ.
