ޣައްޒާ އާރާސްތުކުރަން އަރަބި ލީގުން ނިންމެވި ނިންމެވުމަށް ރާއްޖެއިން މަރުހަބާ ކިޔައިފި
ދެންމެ | 06 މާރޗް 2025

ފަލަސްތީނުގެ ޣައްޒާ އާރާސްތުކުރަން މިސްރުން އަރަބި ލީގުގައި ހުށައެޅި ހުށައެޅުމަށް ރާއްޖެއިން މަރުހަބާ ކިޔައިފިއެވެ.

މިމަހު 4 ވަނަ ދުވަހު ބޭއްވި އަރަބި ލީގުގެ އެ ބައްދަލުވުމުގައި ތިން މަރުހަލާއަކަށް ބަހާލައިގެން 53 ބިލިއަން ޑޮލަރު ހަރަދު ކޮށްގެން ޣައްޒާ އާރާސްތުކުރަން ވަނީ ނިންމާފައެވެ.

އަރަބި ލީގުން މިފަދަ ނިންމުމެއް ނިންމާފައި ވަނީ، ޣައްޒާ ހިފައި، އެތަން ތަރައްގީ ކުރަން ޓްރަމްޕްގެ ހުށަހަޅާފައިވާ ދަނޑިވަޅެއްގައެވެ.

އެ ނިންމުން ނިންމެވުމާ ގުޅިގެން ފޮރިން މިނިސްޓަރު, އަބްދުالله ހަލީލް އެކްސްގައި ކުރެއްވި ޕޯސްޓެއްގައި ވިދާޅުވީ ޣައްޒާ އާރާސްތު ކުރުމުގެ ޕްލޭނުގެ ދަށުން ކުރެވޭ މަސައްކަތަކީ ޣައްޒާ ރައްޔިތުންނަށް އެމީހުން ބޭނުންވާ ފަދަ މިނިވަން ދިރިއުޅުމެއް އުޅެވޭނެ މަގު ފަހިކޮށް ދިނުމަށް އެޅޭ ވަރަށްް މުހިންމު ފިޔަވަޅެއް ކަމަށެވެ.

އަދި ޣައްޒާ އާރާސްތުވެގެން ދިއުމާއެކު 1967ގެ ކުރިން ފަލަސްތީނުގެ, އިރުމަތީ ގުދުސް އަކީ އެ ގައުމުގެ ވެރިކަން ކުރާ ރަށް ކަމަށް ވެގެންދާނެ ކަމަށް އުންމީދު ކުރަށްވާ ކަމަށާ، މިނިވަން ދައުލަތެއްގެ ގޮތުގައިވުމަށް ލިބޭ ބާރަކަށް މިކަން ވެގެން ދާނެ ކަމަށްވެސް މިނިސްޓަރު ހަލީލް ވިދާޅުވިއެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!