ފުރައްސާރަ ކުރިމަތިވާ އަންހެނުންގެ ދިފާޢުގައި ހުރިހާ އަންހެނުން ތެދުވުމަށް ދިވެހިރާއްޖޭގެ ޢިއްޒަތްތެރި ރައީސުލްޖުމްހޫރިއްޔާގެ އަނބިކަނބަލުން، ފަސްޓް ލޭޑީ މެޑަމް ސާޖިދާ މުޙައްމަދު ގޮވާލައްވައިފި އެވެ.
މެޑަމް ސާޖިދާ މިކަމަށް ގޮވާލެއްވީ ބައިނަލްއަޤްވާމީ އަންހެނުން ދުވަސް ފާހަގަ ކުރުމަށް ކޮންގްރެސް ޕާޓީގެ އަންހެން ކަނބަލުން އިންތިޒާމް ކުރި ހަފްލާގައި ވާހަކަފުޅު ދައްކަވަމުނެވެ.
އަންހެން ކަނބަލުންނަކީ ވަރަށް ބޮޑަށް މަލްޓި ޓާސްކް ކުރައްވާ ބައެއްކަން ފާހަގަ ކުރައްވައި އެކަމަނާ ވިދާޅުވީ މުޖްތަމައުގެ ތެރެއިން ތަފާތު ގޮތްގޮތަށް އަންހެން ބޭފުޅުންނަށް ބޭއިންސާފުން އަމަލް ކުރެވޭތަން ފެނިގެންދާ ކަމަށާއި އަންހެން ކަނބަލަކަށް ބޭއިންސާފުން ކަމެއް ކުރިމަތިވެއްޖެ ނަމަ އެ އަންހެންމީހާގެ ދިފާއުގައި ހުރިހާ އަންހެނުން އަޑު އުފުލަށް މިއަދު އަޒުމް ކަނޑައަޅުއްވަން ޖެހޭ ކަމަށެވެ.
މެޑަމް ސާޖިދާގެ ވާހަކަފުޅުގައި އަންހެނުންނަކީ އިސްލާމްގައި ވެސް ވަރަށް ބޮޑު ގަދަރުވެރިކަމެއް ދެއްވާފައިވާ ބައެއްކަން ފާހަގަ ކުރައްވައި ވިދާޅުވީ އަންހެނެއްގެ ވާހަކަ އައިސްފައި މެނުވީ ފިރިހެނެއްގެ ވާހަކަ ފާހަގަ ނުކުރާ ކަމަށެވެ.
އެކަމަނާ ސަރަފްވެރި ކުރައްވާފައި ވަނީ ބައިނަލް އަޤުވާމީ އަންހެނުންގެ ދުވަސް ފާހަގަ ކުރުމަށް ކޮންގްރެސް ޕާޓީގެ އަންހެނުންގެ ހަރަކާތުން އިންތިޒާމްކުރެއްވި ޚާއްސަ ތަރާވީހެވެ.
މި ހަރަކާތް ޝަރަފްވެރި ކޮށްދެއްވައި އެކަމަނާ ވަނީ އެޕާޓީގެ އަންހެން ބޭފުޅުންނާއިއެކު ތަރާވީހަށް އިންސާފްވެރި ކުރައްވާފަ އެވެ.
