ފުރަތަމަ ކަމަކީ ކާތަކެތީގެ އެއްވެސް މިންވަރެއް އިސްރާފްކޮށްގެން ނުވާނެކަމެކެވެ. އެއީ މުސްލިމުންނަށް ހުއްދަކަމެއް ނޫނެވެ. އިޝްރާފްކުރާ މީހުންނަކީ ޝައިޠޯނާގެ އަޚުންނެވެ. ވީމާ ކާބޯތަކެތި އިޝްރާފްނުކުރުމަށް ވަރަށް ބޮޑަށް ސަމާލުކަންދޭންވާނެއެވެ.
މިހާރަކަށް އައިސް ކާމޭޒުތައް ހުންނަނީ ވަރަށް ސާފުތާހިރުކޮށެވެ. އެހެންކަމާއިއެކުވެސް ތަށިން ބޭރަށް އެތިކޮޅެއް ވެއްޓިއްޖެނަމަ ގިނަ ބައަކު ނުގައެވެ. އެކަން ހަދަނީ ލަދުވެތި ނުވަތަ ދަށުދަރަޖައިގެ ކަމަކަށެވެ. ނަމަވެސް އެއީ ކާއެއްޗެއްސާއިމެދު ޢަމަލުކުރަން ރަނގަޅު ގޮތެއް ނޫނެވެ.
ކާއެތިކޮޅެއް ވެއްޓިއްޖެނަމަ އޮތީ ނަގައި ކުނިވަށިގަނޑަށްލުމެއް ނޫނެވެ. ސާފުކޮށްލައިގެން ކެވޭނެނަމަ ކެއުމެވެ. އެއްލައިލަންވާނީ ސާފުތާހިރުނުކުރެވިއްޖެނަމަ އެވެ. އަލުން ދޮވެލައިގެން ތާހިރުކުރެވޭނެ ނަމަވެސް ނުކައި ދޫކޮށްނުލާށެވެ.
ނުކައި ދޫކޮށްލިނަމަވެސް ވެއްޓުނު އެތިކޮޅަށް އިޙްތިރާމްކުރާށެވެ! ނަގައި ނައްތާލަން އޮތް ގޮތުގައި ނައްތައިލާށެވެ!
ތިރީގައި ލިޔުން ވިދާޅުވެލައްވާށެވެ! އަހުރެމެންގެ ލޯތަކަށް ނުފެނުނު ނަމަވެސް ޖިންނި ޝައިޠޯނުން މިހާރުވެސް އަހުރެމެންނާއިއެކުގައި އަބަދުވެސް ވާނެއެވެ. ވީމާ ރައްކައުތެރިވެތިބުމަކީ ކުރަންޖެހޭނެ ކަމެކެވެ.
”—ދަރިވަރަކު އެންމެންނަށް މެންދުރުގެ ކެއުން ގެނައުމުން އެންމެން އެކުގައި ކާންފެށިއެވެ. އަހަރެންވެސް ކާންފެށީމެވެ. ނަމަވެސް ޖިންނި އުނދަގޫވެފައިއިން ކުއްޖާ ކާކަށް އެއްބަހެއް ނުވިއެވެ. ބަނޑުހައި ނުވާކަމަށް ބުނެ ކަނެއްގައި އިށީނދެގެން އިނީއެވެ.
ދަރިވަރެއްގެ އަތުން ބަތްސުވަލެއް ތަޅުންގަނޑުމައްޗަށް ވެއްޓުނެވެ. އެ ނުނަގައި އެދަރިވަރު ދެވަނަފަހަރު ކާއެއްޗެތިނަގަންދިއަތަނާ ނުކައި ކަނުގައި އިން (ޖިންނި އަވަލާފައިވާ) ދަރިވަރު ދުވެފައި އައިސް އޭނާގެ ވައަތުން އެބަތްސުވާ ނަގައި ކައިލިއެވެ.
(މިޙާދިސާގެ ތަފްޞީލްވާނީ ކުޜިގެ ލިޔުމެއްގައި ގެނެސްދެވިފައެވެ. މިހާދިސާ ސިފަކޮށްދެއްވަމުން ޑރ. ޔާސިރު ޤާޟީ ވިދާޅުވެފައިވެއެވެ. އެ ދަރިވަރު ބިމުގައި ދެމެމުން ކާއެތިކޮޅާއި ދިމާއަށް އައި މަންޒަރު އެންމެ ވައްތަރީ ބަނޑުހައިވެފައި އޮންނަ ހަރުފައަކަށް ކާނެ އެއްޗެއް ފެނުމުން އަތުލައިގަންނަންދާނެ ގޮތާއިއެވެ. ސުބްހާނަﷲ)
މިވީ ކިހިނަކުން ހެއްޔެވެ؟ ފުރަތަމަ ކަމަކަށް ދަރިވަރު ނުކައި އެއިނީ އަހަރެމެން ބިސްމިﷲ ކިޔައިގެންކާތީއެވެ! ދެވަނަ ކަމަކަށް ފެނިގެން އެދިއައީ ކާއެއްޗެއް ވެއްޓުނު ނަމަވެސް ނަގައި ސާފުކޮށްލައިގެން ކެއުމަށާއި ނުކައިފިނަމަ ޝައިޠޯނާ އެތަކެތި ކާނެކަމަށް އޮތް ޙަދީޘްފުޅުގެ ތެދުކަމެވެ. އޭނާ އެ ޢަމަލުކުރީ އޭނާގެ ހަށިގަނޑުގައިވާ ޝައިޠޯނާ ބޭނުންވާ ގޮތަށެވެ. ވައަތުން ސުވާނަގައި ޝައިޠޯނާއަށް ކާންދިނީއެވެ.“
ނަމަވެސް މިއަދު މިހެދޭގޮތަކީ ކާއެތިކޮޅެއް އެންމެ ކުޑަމިނުން ކާމޭޒުމައްޗަށް ވެއްޓުނު ނަމަވެސް މިތިބެނީ ނަގައި ބޭނުންކުރަން ފަކުރުންނެވެ. ހައިޖީނިކަންބޮޑުވެގެންގޮސް ހައިޖީންޏަށް ހުސްވެވޭއިރު އަސްލު ޖިންނި އައިސް މިއިންނަނީ ތިމާގެ ތަށިންވެސް ކާށެވެ. އެއީ ބިސްމިﷲ ނުކިޔައިތާތީއެވެ! އަދި ވެއްޓުމުން ނަގައި އަލުން ބޭނުންނުކުރާ ތަކެތި އަސްލު ޖިންނިތައް (ޝައިޠޯނުން) އެގެންދަނީ ބޭނުންކުރަމުންނެވެ!
މިހާދިސާގައި އެދަރިވަރަށް އެއެތޮކޮޅު ނުނެގިއެވަނީ އެވަގުތު ކަންބޮޑުވެފައި ހުރިވަރުންކަމަށްވެދާނެއެވެ. ނަމަވެސް މިޒަމާނުގައި ގިނަ ބައަކު ނުނަގަނީ ބަލިތަކުން ސަލާމަތްވުމަށް ހައިޖީނިވާށެވެ! ޙަދީޘްފުޅަށް ފަރުވާކުޑަކޮށް އެގޮތަށް ހައިޖީނިވީމާ މިފެންނަނީ އެންމެ ބޮޑަށް ބިރުވެތިވާންޖެހޭ ޖިންނި (ޝައިޠޯނާ) އައިސް ވެރިވެގަންނަތަނެވެ.
މިއީ މަޝްހޫރު ދީނީ ޢީލްމުވެރިޔާ ޑރ. ޔާސިރު ޤާޟީގެ އަމިއްލަފުޅުތަޖުރިބާއެކެވެ. ޝައްކުކުރުމަށް ޖާގައެއް ނެތެވެ. މިފަދަ ކަންކަމަށް މިހައިތަނަށް ނުވިސްނާ މީހުން މިހިސާބުން ފެށިގެންވެސް ވިސްނައި އަމަލުކުރަންފަށަންވީ ނޫންތޯއެވެ؟
