ގޮނޑި ގެއްލޭ އިސްލާހު މި މަޖިލީހަށްވެސް ހިނގާނެކަން ކަނޑައަޅަން އެދިއްޖެ
ދެންމެ | 10 މާރޗް 2025

ޕާޓީން ވަކިވެއްޖެނަމަ ނުވަތަ ވަކިކޮށްފިނަމަ ރައްޔިތުންގެ މަޖިލީހުގެ މެމްބަރުންގެ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހު މިހާރު އޮތް މަޖިލީހަށް ވެސް ހިނގާނެ ކަމަށް ކަނޑައަޅައިދޭން ދައުލަތުން ސުޕްރީމްކޯޓުގައީ އެދިއްޖެއެވެ.

މެމްބަރުންގެ ގޮނޑި ގެއްލޭ ގޮތަށް ގާނޫނުއަސާސީއަށް މިދިޔަ އަހަރު ގެނައި އިސްލާހު ބާތިލްކުރަން ރައްޔިތުން މަޖިލީހުގެ ކެންދޫ ދާއިރާގެ ކުރީގެ މެމްބަރު އަލީ ހުސެއިން ވަނީ ސުޕްރީމް ކޯޓަށް ހުށައަޅާފައެވެ. އެ މައްސަކައި ތެރެއިން އޭނާ ވަނީ އެ އިސްލާހު މިހާރު މި ހިނގާ 20 ވަނަ ރައްޔިތުން މަޖިލީހުގެ މެމްބަރުންނަށް ނުހިގާނެކަމަށް ކަނޑައަޅާދިނުމަށް އެދިފައެވެ.

މި މައްސަލާގެ ރައްދު ދައުލަތުގެ ބަނޑާރަ ނައިބުގެ ފަރާތުން މިހާރު ވަނީ ސުޕްރީމްކޯޓަށް ފޮނުވާފައެވެ. ދައުލަތުން ބަނޑާރަ ނައިބު އަހްމަދު އުޝާމް ސޮއިކޮށް މިއަދު ފޮނުވި ރައްދުގައި ވަނީ ތިން ކަމެއް ކަނޑައަޅާދިނުމަށް ސުޕްރީމު ކޯޓުގައި އެދިވަޑާއިގެންފައެވެ. އެގޮތުން ގާނޫނުއަސާސީގެ މާއްދާއެއް ބާތިލް ކުރުމުގެ މި މައްސަލައަކީ ސުޕްރީމް ކޯޓަށް ބެލުމުގެ އިހްތިސާސް ލިބިގެން ނުވާ މައްސަލައެއް ގޮތުގައި ކަނޑައަޅާ ދިނުމަށް ވަނީ އެދިފައެވެ.

މީގެއިތުރުން ގާނޫނު އަސާސީއަށް ގެނައި އިސްލާހުތަކަކީ ސައްހަ އިސްލާހުތަކެއް ކަމަށް ކަނޑައަޅާދިނުމަށްވެސް ދައުލަތުގެ ބަންދާރަ ނައިބު ވަނީ އެދިވަޑައިގެންފައެވެ. ހަމަ އެއާއި އެކު ގޮނޑު ގެއްލޭގޮތަށްް ގާނޫނު އަސާސީއަށް ގެނައި އިސްލާހު މިހާރު ހިނގަމުން އަންނަ 20 ވަނަ ރައްޔިތުން މަޖިލީހުގެ މްމެބަރުންގެ މައްޗަށް ހިންގާނެކަމަށް ކަނޑައަޅާދިނުމަށްވެސް ވަނީ އެދިފައެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!