އީދުބަންދާ ގުޅުވައި ހަފްތާގެ ބާކީ ދުވަސްތައް ބަންދުކުރަން ނިންމަވައިފި
ދެންމެ | 14 މާރޗް 2025

އީދުބަންދާ ގުޅުވައިގެން ހަފްތާގެ ބާކީ ދުވަސްތައް ބަންދުކުރަން ރައީސުލް ޖުމްހޫރިއްޔާ ޑރ،މުއިއްޒު ނިންމަވައިފި އެވެ.

އެގޮތުން 1446 ވަނަ އަހަރުގެ ފިޠުރު ޢީދު ދުވަހަކީ ކަލަންޑަރުގައިވާ ގޮތަށް މިމަހގެ 31 ވާ ހޯމަ ދުވަސް ކަމަށް، ވެއްޖެނަމަ، ފިޠުރު ޢީދުގެ ބަންދު ތިން ދުވަސް ކަމުގައިވާ، މާރިޗު 31، އެޕްރީލް 1، އަދި 2 އާއެކު، އެޕްރީލް 3 ވާ ބުރާސްފަތި ދުވަހަކީވެސް ސަރުކާރު ބަންދު ދުވަހެއް ކަމުގައި ރައީސުލް ޖުމްހޫރިއްޔާ ވަނީ ނިންމަވާފައެވެ.

ނުވަތަ މާރިމިމަހުގެ 30 ވާ އާދީއްތަ ދުވަހަކީ، އީދު ދުވަސްކަމަށް ވެއްޖެނަމަ، ފިޠުރު ޢީދުގެ ބަންދު ތިން ދުވަސްކަމުގައިވާ، މާރިޗު 30، 31 އަދި އެޕްރީލް 1 އަށްފަހު، އެޕްރީލް 2 ވާ ބުދަ ދުވަހާއި، އެޕްރީލް 3 ވާ ބުރާސްފަތި ދުވަހަކީވެސް ސަރުކާރު ބަންދު ދުވަހެއް ކަމުގައި ރައީސުލް ޖުމްހޫރިއްޔާ ވަނީ ނިންމަވާފައެވެ.

ރައީސުލްޖުމްހޫރިއްޔާގެ މި ނިންމެވުމާއެކު ފިޠުރު ޢީދުގެ ބަންދު ދުވަސްތަކަށްފަހު، ސަރުކާރުގެ އޮފީސްތައް ހުޅުވޭނީ، އަންނަ އެޕްރީލް މަހުގެ 6 ވާ އާދީއްތަ ދުވަހުއެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!