ދައުރު އެެއްކޮށް ޖަލު ގޮޅީގައި އޮންނަން ޖެހުނު މިދިޔަ އިބްރާހިމް މުހައްމަދު ސާލިހްގެ ފަސްއަހަރުވެސް މި ވެރިކަމަށްވުރެ ރަނގަޅުކަމަށް ވިދަޅުވެ ރައީސްް ޔާމީން ވިދާޅުވެއްޖެ އެވެ.
ރައީސް ޔާމީން އިއްވެސް ހުންނަވާ އުފެއްދެވި ޕީޕަލްސް ނެޝަނަލް ފްރޮންޓް (ޕީއެންއެފް) އިން ރޭ ބޭއްވި ޖަލްސާއެއްގައި ވާހަކަ ދައްކަވަމުން ޔާމީން ވިދާޅުވީ އެމަނިކުފާނު ނުހައްގުން ކަސްތަޅުގައި ބޭއްވި އިބޫގެ ވެރިކަން މާ ރަގަޅު ކަމަށާއި ކިތަންމެ ހިތްހަމަނުޖެހުނަސް ރައީސް ޑރ. މުހައްމަދު މުއިއްޒުގެ ވެރިކަމަށްވުރެ ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަން މާ ރަނގަޅު ކަމަށެވެ.
ރައީސް ޔާމީން ވިދާޅުވީ މިދިޔަ ވެރިކަމުގައި ރައީސް އިބްރާހިމް މުހައްމަދު ސާލިހް ބެއްލެވި ހަމަތަކާއި ހިފެހެއްޓީ ހަމަތަކެއް ހުރިކަމަށެވެ. އެހެންނަމަވެސް މި ސާރުކާރުން ފެންނަނީ އެ ހުރިހާކަމެއް ދޫކޮށްލާފައިވާތަންކަމަށް ރައީސް ޔާމީން ވިދާޅުވިއެވެ.
ރައީސް ޔާމީންގެ ޕީޕަލްސް ނެޝަނަލް ފްރޮންޓް (ޕީއެންއެފް) އަންނަނީ ވަރަށް ބޮޑަށް ސަރުކާރަށް ފާޑުކިޔަމުންނެވެ.
