އެމެރިކާގެ އެހީއަށް އިސްރާއީލުން އެދުމަކީ ބަލިކަށިކަން ދައްކުވައިދޭ ކަމެއް ކަމެއް ކަމަށް އިރާނުގެ އެންމެ މަތީ ލީޑަރު އާޔަތުﷲ ހާމަނާއީ ވިދާޅުވެއްޖެ އެވެ.
މިއަދު އެކްސްގައި ކުރެއްވި ޕޯސްޓެއްގައި ޚާމަނާއި ވިދާޅުވެފައިވަނީ ޒަޔަނިސްޓް ސަރުކާރުގެ އެމެރިކާގެ އެހީތެރިކަމަށް އެދެމުން ދައްކުވައިދެނީ އިސްރާއީލުގެ ވެރިކަމުގެ ބަލިކަށިކަމާއި ނާގާބިލުކަންކަމަށެވެ.
އަދި އިސްރާއީލުގެ އަމަލުތަކުގެ ސަބަބުން އިރާނަށް ހެޔޮއެދޭ ގައުމުތަކަށް ބިރުވެރިކަން އިހްސާސުކުރެވޭ ނަމަ އެ ބިރުވެރިކަން ނައްތާލަން މަސައްކަތްކުރުމުގެ ބާރު އޮތް ކަމަށާއި އެފަދަ ބިރުވެރިކަމެއް އޮތް ނަމަ އިސްރާއީލާއި ދެކޮޅަށް މަސައްކަތްކުރުމަކީ އެގައުމުތަކުގެ ވެސް ޒިންމާއެއް ކަމަށް ޚާމަނާއީގެ ޕޯސްޓުގައި ވިދާޅުވި އެވެ.
ޚާމަނާއީ މިފަދައިން ވިދާޅުވިއިރު އިޒްރޭލުގެ ދިފާއީ ވަޒީރު މިއަދު ވަނީ އީރާނާ ދެކޮޅަށް އިޒްރޭލުން ކުރާ ހަނގުރާމައިގެ އަމާޒަކީ އާޔަތުالله އަލީ ޚާމަނާއީ ”އަވަހާރަކޮށްލުން“ ކަމަށް ބުނެފައި އެވެ.
އިސްރާއީލުން މިިދިޔަ ހުކުރު ދުވަހުގެ ފަތިހު އިރާނަށް ދޭން ފެށި ހަމަލާތަކާއި އެކު އިރާނުންވެސް ދަނީ އިސްރާއީލަށް ވަރުގަދަ ރައްދު ހަމަލާތަކެއް ދެމުންނެވެ. އިރާނުގެ ހަމަލާތަކާއި އެކު އިސްރާއީލުން ސަލާމާތްވުމަށް ކުރަމުންދާ މަސައްކަތްތައް މިހާރު ވަނީ ބަލިކަށިވެފައި އެވެ. ސަބަބަކީ މިސައިލްތައް ހުއްޓުވުމަށް ބޭނުންވާ އަޔަން ޑޯމް ސިސްޓަމްތައް އޯވާލޯޑުގެ އިންޓަސެޕްޓަރ މިސައިލްތައް އިސްރާއީލުން ހުސްވުމާއި ގާތްވެފައި ވުމެވެ.
މިއާއި އެކު މި ހަމަލާތަކުގެ ތެރެއަށް ވަނުމަށް އިސްރާއީލުގެ ސަރުކާރުން ދަނީ އެމެރިކާގެ ކިބައިން ސަލާންޖަހަމުންނެވެ. ނަމަވެސް އެމެރިކާއިން ހަމަލާތައް ދޭން އަދި މިހާތަނަށް ނުފަށައެވެ.
