ރާއްޖޭގެ ތަރައްގީގެ ބައިވެރިއެއް ގޮތުގައި ރައީސް ޑރ. މުއިއްޒާއިއެކު މަސައްކަތް ކުރަން ތައްޔާރު ކަމަށް ސިންގަޕޫރު ބޮޑުވަޒީރު ވިދާޅުވެއްޖެ އެވެ.
އެމަނިކުފާނު ފޭސްބުކުގައި ހިއްސާ ކުރެއްވި ޕޯސްޓެއްގައި ވިދާޅުވީ މިއަހަރަކީ ޚާއްޞަ މައިލްސްޓޯނެއް ސިންގަޕޫރާއި މޯލްޑިވްސްއާ ދެމެދު ޑިޕްލޮމެޓިކް ގުޅުންތަކެއް 50 އަހަރު ފުރި، ދެ ޤައުމަށްވެސް މިނިވަންކަމަށް 60 އަހަރު ފުރޭ އުފާވެރި އަހަރު ކަމަށެވެ. އަދި ހަގީގަތުގައި އަޅުގަނޑުމެން އދ.އާ ގުޅުނީ ހަމަ އެދުވަހު 1965 ވަނަ އަހަރު ކަން ވެސް ފާހަގަ ކުރެއްވި އެވެ.
އެކުވެރި ކުދި ޖަޒީރާ ދައުލަތްތަކެއްގެ ގޮތުގައި އަޅުގަނޑުމެންނަށް އަޅުގަނޑުމެންގެ ޖިއޮގްރަފީގެ ޚާއްޞަ ގޮންޖެހުންތައް ވިސްނޭ ކަމަށާއި މިދިޔަ އަހަރުތަކުގެ ތެރޭގައި، އަޅުގަނޑުމެން މިވަނީ އެއްބަޔަކު އަނެއްބަޔަކަށް އިޙްތިރާމްކުރުމާއި ހިއްސާކުރެވޭ މަސްލަހަތުތަކުގެ މައްޗަށް ބިނާވެފައިވާ އެކުވެރިކަމެއް ބިނާކޮށް މޫސުމަށް ކެތްތެރިކަމުން ފެށިގެން ދެމެހެއްޓެނިވި ތަރައްޤީއާ ހަމައަށް ކަންކަން ހާސިލްކޮށްފައިކަން އެމަނިކުފާނު ފާހަގަ ކުރެއްވި އެވެ.
އެމަނިކުފާނު ވިދާޅުވީ ސިންގަޕޫރުގެ ގިނަ ބަޔަކު ދެކެނީ ރާއްޖެ އަކީ ޗުއްޓީ ހޭދަކުރުމަށް ރީތި މަންޒިލެއްގެ ގޮތުގައެވެ. އެކަމަކު ފަތުރުވެރިކަމުގެ އިތުރުން ރާއްޖެ އިން ދަނީ އިގްތިސާދު ތަފާތުކޮށް ކުރިއަރަމުން ކަމަށާއި އަދި ދަނޑުވެރިކަމާއި، އިންފްރާސްޓްރަކްޗަރާއި، ކެޕޭސިޓީ ބިލްޑިންގ ފަދަ ކަންކަމުގައި އެއްބާރުލުން ދިނުމުގެ އާ ފުރުސަތު ހުރިކަން ފާހަގަ ކުރެއްވި އެވެ.
ކުރިއަށް އޮތް އަހަރުތަކުގައި ދެގައުމުގެ ގުޅުން އިތުރަށް ހަރުދަނާ ކުރުމަށްޓަކައި ރައީސް ޑރ. މުއިއްޒުއާ އެކު މަސައްކަތް ކުރުމަށް ތައްޔާރަށް ހުރިކަން އެމަނިކުފާނު ފާހަގަ ކުރެއްވި އެވެ.
