ރައީސް ޑރ. މުހައްމަދު މުއިއްޒުގެ ލޮބުވެތި އަނބިކަލުން ފަސްލޭޑީ މެޑަމް ސާޖިދާ މުހައްމަދަކީ ފިރިކަލުން ރައީސް ޑރ. މުއިއްޒު ވެރިކަމާއި ހަވާލުވެ ވަޑައިގެންނެވިއިރު ދިވެހި ސިވިލްސާރވިސްގައި މަސައްކަތް ކުރައްވާ ފަހުރުވެރި ސިވިލްސާވެންޓެކެވެ.
ސަކަ މިޒާޖެއްގެ މެޑަމް ސާޖިދާއަކީ މީހުންނާއި ގުޅޭ ބޮޑާކަމާއި ކިބުރުވެރިކަން ނެތް ސާދާ ދިވެހި ކަނބަލެކެވެ. އަމިއްލަ މަސައްކަތުން ދިރިއުޅުމަށް އާއްމްދަނީ ހޯއްދަވަމުން ގެންނެވި ދިވެހިން ކަނބަލުންނަށް ނަމޫނާ ދައްކަވަމުން ގެންދެވި ފިސާރި ކަނބަލެކެވެ.
ދުނިޔޭގެ ތަހްޒީބް ގައުމުތަކުން އިލްމް ހާސިލް ކުރައްވާފައިވާ މެޑަމް ސާޖިދާއަކީ މަސްހޫރު އުސްތާޒް ފަލީލަތުއްސެއިހް ބާބުލްއަވާލީ މުހައްމަދު އިބުރާހިމްގެ ލޮބުވެތި ދަރިކަނބަލެކެވެ.
ދުނިޔޭގެ އާޖްފާޖަށް ލޯހުޅުވި ވަޑައިގެންފައިވާ މެޑަމް ސާޖިދާއަކީ ބުލީ ކުރުމާއި ތަފާތުކުރުންތަކަށް ފާޅުގައި ނޫނެކޭ ވިދާޅުވެ އެކަންކަމާއި ސީދާ ދެކޮޅު ހައްދަވާ ފިސާރި އަންހެނެކެވެ.
ގައުމުގެ ވެރިކަމާއި ފިރިކަނލުން ހަވާލުވެ ވަޑައިގެންނެވުމާއިއެކު އެމަނިކުފާނުގެ އަނބިކަލެއްގެ ޒިންމާ ފުރިހަމައަށް އަދާކުރަމުން ގެންދަވާ މެޑަމް ސާޖިދާއަކީ ދިވެހިންގެ އިޖްތިމާއީ މަދަދުގާރެވެ.
ސިޔާސީ ގޮތުން ކުރިމަތިވަމުން އަންނަ ޕްރެސަރުތަކާއި ފާޑުކިޔުންތަކަށް ފަރުވާލެއްނެތި ދިވެހިންގެ ހައްގުގައި އެކަމަނާ ގެންދަވަނީ ދުނިޔެ އާއި ގައުމުގައި ގިނަގުނަ މަސައްކަތްތަކެއް ކުރައްވަމުން ނެވެ.
މެޑަމް ސާޖިދާއަކީ ސިއްހީ ދާއިރާ އާއި ކާނާ އާއިބެހޭ ހާއްސަ އިލްމާއި ގިނަގުނަ ތަޖްރިބާތަކެއް ހާސިލްކުރައްވާފައިވާ ކަނބަލެއް ކަމުން އެ އިލްމާއި ތަޖްރިބާގެ އަލީގައި ދިވެހިންނަށް ފަހި ގޮތްތަކެއް ހޯއްދަވައި ދެއްވުމަށް ގިނަގުނަ މަސައްކަތްތަކެއް ގެންދަވަނީ ކުރައްވަމުން ނެވެ.
ދުނިޔޭ ގިނަ ގައުތަކެއްގެ ފަސްޓްލޭޑީން އެކުވެ އުފައްދާފައިވާ މެކް ފައުންޑޭސަންގައި ބައިވެރިވަޑައިގަންނަވާ އެކަމަނާ ގެންދަވަނީ ދުނިޔޭގެ އެކިއެކި ގައުމުތަކުގެ ފަސްލޭޑީނާއި އެކިއެކި ދާއިރާތަކުން ދުނިޔެއިން ފާހަގަކޮށްލެވޭ ފަރާތްތަކުގެ ސަމާލުކަން ހޯއްދަވަމުންނެވެ.
ދިވެހިންނާއި ދުނިޔޭގައި އެކަމަނާގެ މަގުބޫލުކަން އިތުރުވަމުންދާއިރު މެޑަމް ސާޖިދާ ފާހަގަ ކުރެވިފައި ވަނީ ހުލުގުހެޔޮ ކަމާއި ހިތްހެޔޮ ކަމުގެ ނަމޫނާއެއް ގޮތުގަ އެވެ.
