ޕީޕީއެމް ސަރުކާރުން ގިނަގުނަ ތަރައްގީ މަސްރޫއުތަކެއް 2013 އިން 2018 އަށް ގައުމުގައި ހިންގާފައިވެ އެވެ. އެއީ ދެބަސް ނުވެވޭނެ ހަގީގަތެކެވެ.
ފުރަތަމަ ޕީޕީއެމް ވެރިކަމުގައި ކޮންކްރިޓް ތަރައްގީ ބިޔަ މަސްރޫއުތަކެއް ކުރިއަށް ގެންގޮސްފައިވާއިރު އެ ސަރުކާރު ކޮންސްޓްރެކްޝަން މިނިސްޓަރަކީ މިއަދުގެ ޕީއެންސީ ވެރިކަމުގެ ރައީސް ޑރ. މުއިއްޒެވެ.
އަދުގެ ރައީސް ޑރ. މުއިއްޒުގެ ސީދާ ބެއްލެވުމުގެ ދަށުން ހިންގެވި މި ބޮޑެތި މަސްރޫއުތަކުގެ ތެރެއިން 25 ބުރީގެ ބިޔަ ހޮސްޕިޓަލުގެ މަސައްކަތް ނިންމާލާފައި ވީނަމަވެސް ރައީސް ސޯލިހްގެ ވެރިކަން ނިންމާލާފައި ވަނީ އެހޮސްޕިޓަލް ރަސްމީކޮށް ހުޅުވުމެއް އާބާތުރަ ފިލުމެއް ނެތި ދޮންދަރިއެއް ފަދައިން ހިތަމުންނެވެ.
ރައީސް ސޯލިހް ވެރިިކަމާއި ހަވާލުވަޑައިގެންނެވި އިރުވެސް މަސައްކަތް ފަށާފައިވާ ފްލް ފަންޑަޑް އައެރޕޯޓްގެ ޓާމިނަލްގެ މަސައްކަތް ދުއްވާލީ ތޮޅިއަށެވެ. އެއަރޕޯޓް ނިންމުމުގެ ނަމުގައި 300 މިލިޔަން ޑޮލަރުގެ އިތުރު ލޯނެއް ރައްޔިތުން ބޮލުގައި އަޅުވައި އެފައިސާ ދިރުވާލި އެވެ. އެއަރޕޯޓް މާ ބޮޑު މަސައްކަތެއް ކުރުމެއްނެތި ބަރަވެލި ދުވެލީގައި އެއަރޕޯޓްގެ މަސައްކަތް ދޫކޮށްލި އެވެ.
ރައީސް ޑރ. މުއިއްޒު ވެރިކަމާއި ހަވާލުވެ ވަޑައިގެން ބާރު ސްޕީޑްގައި އެއަރޕޯޓްގެ މަސައްކަތް ނިންމައި ހުޅުވަން ތައްޔާރުވުމާއިއެކު އެކަމުގެ ފޮނިމީރުކަން ޖަހައިގަތުމަށް ތެޅިގެންފި އެވެ. ތެދެކެވެ. ފިކުރު ތަފާތު ވުމުން ރައްޔިތުންގެ ފައިސާއަށް ހަރާމް ކޯރުވެ ދޫކޮށްލީ އެވެ. އެހެންނަމަވެސް މެޑެލް ބޭނުމެވެ.
