ދިވެހިރާއްޖޭގެ 60 ވަނަ މިނިވަން ދުވަހާއި ދިމާކޮށް ޤައުމީ އެއާލައިންގެ ބޯޓުތަކުގެ ބޭރުގައި ތާނަ އަކުރުން ދިވެހިރާއްޖެ ޖަހަން ނިންމައި، އެމަސައްކަތް ފަށާފައިވާކަން ޤައުމީ އެއާލައިން މޯލްޑިވިއަނުން ހާމަކޮށްފިއެވެ.
މޯލްޑިވިއަންގެ ލިވެރީއަށް ގެނައި ބަދަލާއެކު ބޯޓުތަކުގެ ބޭރުގައި ގައުމީ ދިދައާއެކު ދިވެހިރާއްޖެ ތާނަ އަކުރުން ޖަހާނެއެވެ. މިހާރު އެ ބަދަލު އެއެއަރލައިންގެ ވައިޑް ބޮޑީ މަތިންދާ ބޯޓަށް ވަނީ ގެނެސްފައެވެ.
މޯލްޑިވިއަނުން ބުނީ އަމާޒަކީ މި ބަދަލު އެ އެއާލައިންގެ ހުރިހާ ބޯޓަކުންވެސް ފެނިގެންދިއުންކަމަށާއި މިއަހަރު މިނިވަންކަމަށް 60 އަހަރު ފުރޭއިރު މިބަދަލުން ދިވެހިންގެ މިނިވަންކަމާއި އިސްތިޤްލާލު އަދި އެއްބައިވަންތަކަން ރަމްޒުކޮށްދޭނެކަމަށެވެ.
މޯލްޑިވިއަންގެ ފްލީޓުގައި 25 މަތިންދާބޯޓެއް އޮވެއެވެ.
ގުޅުންހުރި ލިޔުންތައް
