ކައުންސިލްތަކަށް ތަޖްރިބާ ހޯދަން ބޭންކޮކަށް ނުދެވޭ ގޮތަށް ލާމަރުކަޒީ ގާނޫނަށް ގެނައި އިސްލާހްގެ ބިލު އަނބުރާ ގެންދަން މިހާރު ވެސް ބޭންކޮކްގައި ތަޖްރިބާ ހޯދަމުން ގެންދަވާ އަދި ޑރ. އަފްރާސީމް އަވަހާރަކޮށްލުމާއި ރިލްވާން ގެއްލުމުގެ ހެކި ހުރިކަމަށް ބުނެ ބުހްތާން ދޮގު ހެދި ކުރީގެ ހޯމް މިނިސްޓަރު އިމްރާން އަބްދުﷲ ގޮވާލައްވައިފި އެވެ.
ކައުންސިލްތަކުގެ ފަހު އަހަރު މާލީ އާ މުއާމަލާތެއް ހުއްދަ އާއިއެކު ކުރުމާއި ބޭންކޮކަށް ތަޖްރިބާ ހޯދަން ނުދެވޭ ގޮތް ހަދަން ސަރުކާރުގެ ފަރާތުން ފުވައްމުލަކު ދެކުނު ދާއިރާގެ މެމްބަރު އިބްރާހިމް ހުސެއިން ހުށަހެޅުއްވި ބިލު ބުދަ ދުވަހު މަޖިލީހުން ވަނީ ފާސްވެސްކޮށްފަ އެވެ.
މިކަމާއި ގުޅިގެން ރޯބުހްތާން ދޮގު ހަދާ އިމްރާން ބުދަ ދުވަހުގެ ރޭ އެކްސްގައި ކުރެއްވި ޕޯސްޓެއްގައި ވިދާޅުވީ ދައުލަތް ހިންގުމުގެ ނިޒާމަށް ގެނެވޭ ކޮންމެބަދަލަކީ ރަނގަޅަށް ދިރާސާކޮށް، ފުޅާކޮށް މަޝްވަރާކުރުމަށްފަހު ރައްޔިތުންގެ ހެވާ ލާބަޔަށް ގެނެވޭ ހެޔޮ ބަދަލަކަށް ވާން ޖެހޭ ކަމަށެވެ.
