ބަންދުގައި ބަހައްޓަލައިގެން ކޯޓަށް ހާޟިރުކުރުމަށް 3 މީހަކު ހޯދަމުން އަންނަކަން ފުލުހުން ހާމަކޮށްފިއެވެ.
އެގޮތުން، ބ. ދަރަވަންދޫ، ޙަމްދޫން ޢަބްދުﷲ (40އ) ހޯދުމަށް އިޢުލާންކޮށްފައިވަނީ ސިވިލް ކޯޓަށް ހުށަހެޅިފައިވާ މައްސަލައަކާ ގުޅިގެންނެވެ.
މީނާގެ މައްޗަށް ހުށަހެޅިފައިވާ މައްސަލައާ ގުޅިގެން ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައި ނުވާތީ، ބަންދުގައި ބަހައްޓައިގެން 2025 އޮގަސްޓް 13 ވަނަ ދުވަހުގެ ހެނދުނު 10:00 އަށް ސިވިލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ވަނީ އަމުރުކޮށްފައެވެ.
މީގެ އިތުރުން، ޏ. ފުވައްމުލައް، މުޢިއްޒު އަޙްމަދު ފާރޫޤް (24އ) ހޯދުމަށް އިޢުލާންކޮށްފައިވަނީ ކްރިމިނަލް ކޯޓަށް ހުށަހެޅިފައިވާ މައްސަލައަކާ ގުޅިގެންނެވެ. މީނާގެ މައްޗަށް ހުށަހެޅިފައިވާ މައްސަލައާ ގުޅިގެން ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައި ނުވާތީ، ބަންދުގައި ބަހައްޓައިގެން 2025 އޮގަސްޓް 14 ވަނަ ދުވަހުގެ 15:00 އަށް ކްރިމިނަލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ވަނީ އަމުރުކޮށްފައެވެ.
މި ދެމީހުންނާ ބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅުއްވައި ހިއްސާކުރެއްވުމަށް އެ އިދާރާއިން ވަނީ އެދިފައެވެ.
