ދިވެހިރާއްޖޭގައި އިސްލާމްދީނުގެ ހިދާޔަތު ފެތުރުނީ ވަރަށް ގިނަދުވަހުގެ މަސައްކަތުންކަމަށް ކުރީގެ ރައީސް މުހައްމަދު ނަޝިދު ވިދާޅުވެއްޖެއެވެ.
ރާއްޖެ އިސްލާމްވި ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓްގައި ރައީސް ނަޝީދު ވިދާޅުވީ، ރާއްޖެއަށް އިސްލާމްދީން ފެތުރުނީ އެކަމަށްޓަކައި ވަރަށްގިނަ ދުވަހު މަސައްކަތްކޮށްގެން ކަމަށެވެ. މިއަދު ފާހަގަކުރަނީ ރަދުންނާއި ވެރިންނަށް އިސްލާމްދީން ގަބޫލުކުރެވުނު ދުވަހުގެ ގޮތުގައިކަން ފާހަގަކުރައްވަމުން ރައީސް ނަޝީދު ވިދާޅުވީ، އިސްލާމްދީނަކީ ދިވެހިންގެ ނަސީބުކަމަށެވެ.
ދިވެހިންގެ ނަސީބު އެމުނި އެކުލެވުމުގެ އެއް އަސްލަކީ މާތްވެގެންވާ އިސްލާމްދީންކަމަށްވެސް ރައީސް ނަޝީދު ވިދާޅުވިއެވެ. އެމަނިކްފާނު ވަނީ މިދުވަހުގެ ތަހުނިޔާ ހުރިހާ ދިވެހިންނަށް އަރިސްކޮށްފައެވެ.
ރައީސް ނަޝީދަކީ ދިވެހި ތާރީހު ދިރާސާކުރުމުގައި ފާހަގަކޮށްލެވޭ ފަދަ މަސައްކަތްތަކެއްކޮށް ބޭނުްނތެރި ލިޔުއްވުންތަކެއް ގެނެސްދީފައިވާ ބޭފުޅެކެވެ.
ކޮންމެ އަހަރެއްގެވެސް ހިޖުރީގޮތުން ރަބީޢުލް އާޚިރު މަހުގެ 2 ވަނަ ދުވަސް ފާހަގަކުރަނީ ރާއްޖެ އިސްލާމްވީ ދުވަހުގެ ގޮތުގައެވެ. ރާއްޖެ އިސްލާމްވީކަމަށް ތާރީހުން އެނގެން އޮތީ 548 ވަނަ އަހަރެވެ.
