ޖުޑީޝަރީ އާއި ލޯކަލް ކައުންސިލްތަކާއި ސިވިލް ސާވިސްގެ ހުރިހާ މުވައްޒަފުންގެ މުސާރަ އަންނަ ނޮވެމްބަރު މަހުން ފެށިގެން ބޮޑުކުރުމަށް ސަރުކާރުން މިއަދު ނިންމައިފި އެވެ.
ސަރުކާރުގެ މި ނިންމުން އިއުލާންކުރެއްވީ ރައީސް މުހައްމަދު މުއިއްޒު ދެންމެ ކުރެއްވި ޕޯސްޓެއްގަ އެވެ.
ރައީސް އެކްސްގައި ކުރެއްވި ޕޯސްޓްގައި ވިދާޅުވީ މިހާތަނަށް މުސާރަ ބޮޑުނުވާ ސިވިލް ސާވިސް ހުރިހާ މުވައްޒަފުންނާއި، ޖުޑިޝަރީ ަދި ކައުންސިލްތަކުގެ ހުރިހާ މުވައްޒަފުންގެ މުސާރަ 1 ނޮވެމްބަރުގައި ހާމަނައިޒް ކުރެވި، މުސާރަ ބޮޑުވެގެންދާނެ ކަމަށެވެ.
މި އަހަރު މުސާރަ ބޮޑު ނުވާ ހުރިހާ މުއައްސަސާތަކެއްގެ ހުރިހާ މުވައްޒަފުންގެ މުސާރަ އަންނަ އަހަރު ބޮޑުވެގެންދާނެ ކަމުގެ ޔަގީންކަން ރައީސް ދެއްވި އެވެ.
މިއީ މި އަހަރުގެ ރިޔާސީ ބަޔާނުގައި ވެސް ރައީސް ވިދާޅުވި ގޮތްކަން މިއަދު ކުރެއްވި ޕޯސްޓްގައި އެ މަނިކުފާނު ފާހަގަކުރައްވާފައިވެ އެވެ.
ނަމަވެސް، ބޮޑުވާ މިންވަރުގެ ތަފްސީލެއް އަދި ސާފެއް ނުވެ އެވެ.
