އެމްޑީޕީގެ ޗެއާޕާސަން ފައްޔާޒް އިސްމާއީލްގެ ފައިސާއެއް، މުދަލެއް އަދި ބޯހިޔާވަހިކަމެއްވެސް ނެތްކަމަށް އޭނާ ވިދާޅުވެއްޖެއެވެ.
ކޮރަޕްޝަނާއި ވައްކަމާ ގުޅިގެން ދައުލަތަށް ލިބެން ޖެހޭ ފައިސާ ހޯދުމަށް އެސެޓް ރިކަވަރީ ގާނޫނެއް ހެދުމުގެ މަސައްކަތް ސަރުކާރުން ފަށާފައިވާތީ އެކަމަާ ގުޅިގެން ވާހަކަ ދައްކަވަމުން ފައްޔާޒު ވިދާޅުވީ އަމިއްލަ މުދަލެއްގެ ގޮތުގައި އޮންނަނީ ސައިކަލެއް އެކަނި ކަމަށެވެ. އަދި ބޭރުގައި ހުޅުވާފައިވާ އެކައުންޓްގައި ފައިސާއެއް ނުހުންނާނެކަމަށް އޭނާ ވިދާޅުވިއެވެ.
ދެ ތިން ހަތަރު ކުންފުންޏެއްގައި ހިއްސާ އޮތެއްކަމަކު އެއީ މާބޮޑު ނަފާއެއް ލިބޭ ކުންފުނިތަކެއް ނޫންކަމަށޤ ފައްޔާޒު ވިދާޅުވިއެވެ.
“ އަޅުގަނޑު މަސައްކަތް ކުރަމުން މިދާ އަޅުގަނޑުގެ، ދެ ތިން ހަތަރު ކުންފުންޏެއްގައި އަޅުގަނޑުގެ ހިއްސާ އޮންނާނެ، އެކަމަކު އެއީ އަނެއްހެން މާ ބޮޑު އެއްޗެއް ލިބޭ ކުންފުނިތަކެއްވެސް ނޫން.“ އެމްޑީޕީގެ ޗެއާޕާސަން ފައްޔާޒް އިސްމާއީލް
ފައްޔާޒް ވިދާޅުވީ، ބޭރު ގައުމެއްގައި ފަހަރެއްގައި ބޭންކް އަކައުންޓެއް އޮވެދާނެ ”ކަންނޭނގެ“ ކަމަށެވެ.
ކިޔަވަން އުޅުނު ދުވަސްވަރު ސަރުކާރުން ފޮނުވާ ސްޓައިޕެންޑް ޖަމާކުރަން އެކައުންޓެއް ގެންގުޅުއްވި ނަމަވެސް އެ އެކައުންޓުގައި މިހާރު ފައިސާއެއް ނުހުންނާކަމަށް އޭނާ ވިދާޅުވިއެވެ.
ފައްޔާޒު ވިދާޅުވީ އޭނާގެވެސް އަދި އޭނާގެ އަންހެނުންގެވެސް ބޭރު ގައުމެއްގެ އެކައުންޓެއް ނުހުންނާނެ ކަމަށެވެ. އަދި އަންހެނުންގެ އާއިލާގެ މުދާތައް ވަނީ އެއިރު ރައީސް ޔާމީންގެ ސަރުކާރުގައި ދައުލަތަށް ނަގާފައިކަމަށް ފައްޔާޒު ވިދާޅުވިއެވެ.
ވުމާއެކު އެސެޓް ރިކަވަރީ ގާނޫނެއް ހެދިނަމަވެސް އޭނާއަށް ބިރެއް ނެތްކަމަށް ފައްޔާޒު ވިދާޅުވިއެވެ.
