’ލޯންގް ރޭންޖް އެކޫސްޓިކް ޑިވައިސް‘ އަކީ އިންސާނުންނަށް ގެއްލުންވާ އާލާތެއް ނޫން ކަމަށް ދިރާސީ މާހިރުން ބުނެފި އެވެ.
އެއީތަންފީޒީ އިދާރާތަކުން ފޯރު ކޮށްދޭންޖެހޭ މުހިންމު މައުލޫމާތުތައް ދުރު ސަރަހައްދަކަށް ފޯރުކޮށްދިނުމަށްޓަކައި ބޭނުންކުރާ މުވާސަލާތީ ވަސީލަތެކެވެ.
އެލް.އާރް.އޭ.ޑީ އަކީ، މީހަކަށް ނުވަތަ ބަޔަކަށް ނުކުޅެދުންތެރި ކޮށްލާވަރުގެ ގެއްލުމެއްދޭ ’ސޮނިކް ވެޕަން‘ އެއް ނޫނެވެ.
އެއީ އެއްވުން ކޮންޓްރޯލްކުރުމަށްޓަކައި ބޭނުންކުރާ، އިންސާނުންގެ ފުރާނައަށް ގެއްލުންނުވާ ޒާތުގެ ’ނޮން-ލީތަލް‘ އުކުޅުތަކުގެ ތެރޭގައި ހިމެނޭ، ރައްކާތެރި މުވާސަލާތީ ވަސީލަތެކެވެ.
ކަރުނަ ގޭހާއި، ރަބަރު އުންޑަ، ’ޕެޕަރ ބޯލް’، ޓޭޒަރ ނުވަތަ ފްލޭޝް ބޭންގ ގްރެނޭޑް ފަދަ އާލާތްތަކާ ޚިލާފަށް، އެލް.އާރް.އޭ.ޑީ ގެ ސަބަބުން ޖިސްމާނީ އަނިޔާއެއް ނުލިބޭނެ އެވެ.
ލައުޑްސްޕީކަރުން އަޑު ފޯރާ މިންވަރަށްވުރެ ދުރަށް އަޑު ފޯރާނެކަން ޔަގީންކުރެވޭ އާލާތެކެވެ.
މި އާލާތުން އާންމު ސަލާމަތާއި ރައްކާތެރިކަމަށް ނުރައްކަލަކަށް ނުވާނެފަދަ ގޮތަކަށް، ބޮޑެތި އެއްވުންތައް ކޮންޓްރޯލްކުރުމަށް ފުލުހުންނަށް އެހީއަކަށްވޭނެ އެވެ.
