މީޑިއާ ކޮންޓްރޯލް ކުރެވޭ ގޮތަށް މި ސަރުކާރުން މިދިޔަ މަހު އުފެއްދި މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނަށް މަޖިލީހުން އައްޔަން ކުރަން ޖެހޭ މެންބަރު ކަމަށް ހުޅުވައިލުމުން 10 މީހަކު ކުރިމަތިލައިިފި އެވެ.
މިދިޔަ މަހުގެ 19 ގައި އުފެއްދި ކޮމިޝަނަށް ކުރިމަތިލާން ދިން މުއްދަތު ހަމަވީ އިއްޔެ އެވެ. ޖުމްލަ 7 މެމްބަރުން ހިމެނޭ ކޮމިޝަނަށް މަޖިލީހުން ތިން މެންބަޔަރު އައްޔަން ކުރާނެ އެވެ.
ކޮމިޝަނަށް ކުރިމަތިލާން މަޖިލީހުން ހުޅުވާލި ފުރުސަތުގައި ކުރިމަތޮލި 10 މީހުންގެ ނަން މަޖިލީހުގެ މިއަދުގެ ޖަލްސާގައި ވަނީ އިއުލާނުކޮށްފަ އެވެ.
ކުރިމަތިލި މީހުންނަކީ:
1. ގދ. މަޑަވެލި، ސީނަރީ، ފާތިމަތު ފަހުމީ
2. ހ. ޓޫ ހާޓަސް، މުހައްމަދު ފަރުސަތު
3. ދ. މީދޫ، ބިއްލޫރިގެ، ސަފާ ޝަފީގު
4. ގ. ގޮފި، އައިމިނަތު ސަރަހާތު އިއްޒަތު
5. ގ. ވިންޑް، އިބްރާހިމް މުހައްމަދު
6. މ. ހާވިލާ، މޫސާ ރިލްވާން
7. ހ. ސޯސަން، މުހައްމަދު ތޯހާ
8. ދަފްތަރު ނަންބަރު، ރ.ސ.8580، ސެހެނާޒު އަދުނާން
9. އއ. ތޮއްޑޫ، ފިނިވާގެ، މުހައްމަދު ސާމިން
10. ފ. ނިލަންދޫ، ބީޗް ސައިޑް، ޝަފީގާ ނައީމް
މީގެ ތެރެއން އިބްރާހިމް މުހައްމަދަކީ މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން އުފެއްދުމުން އުވުނު އަކީ މޯލްޑިވްސް މީޑިއާ ކައުންސިލް)ގެ ނައިބު ރައީސެވެ. އަދި، ރިލްވާނާއި ސަރާހަތުގެ އިތުރުން އަދި ސަފާ އަކީ އުވާލި ބްރޯޑްކޮމްގެ މެންބަރުންނެވެ.
މިއަދުގެ ޖަލްސާގައި އިއުލާންކުރި ނަންތައް މިހާރު ވަނީ މިނިވަން މުއަައްސަސާތަކުގެ ކޮމިޓީއަށް ފޮނުވައިފަ އެވެ. އެ ކޮމިޓީން މި މީހުންނާއި އިންޓަވިއުކޮށް މާކްސް ދޭނެ އެވެ. އަދި ކޮމިޝަނަށް އައްޔަންކުރާ މީހުން ނިންމާނީ މަޖިލީހުގެ ތަޅުމަށް ހުށަހަޅައިގެންނެވެ.
އާ ކޮމިޝަނަށް މީޑިއާތަކުން ކުރިމަތިލާން ފުރުސަތު ހުޅުވައިލުމުން ހަތަރު މެންބަރަކު ކުރިމަތިލުމުން ވޯޓަކާއި ނުލާ ހަތަރު މީހުން ވަނީ މެންބަރު ކަމަށް އިންތިހާބުވެފަ އެވެ.
އެގޮތުން އޮންލައިން ކެޓަގަރީ އަށް ހޮވުނީ ގދ. ރަތަފަންދޫ، ވެލީގެ، ސިމާހާ ނަސީމާއި ހދ. ވައިކަރަދޫ، ހިސާން، ހުސައިން ސަގީފެވެ. ބްރޯޑްކާސްޓިން ކެޓަގަރީން ހޮވުނީ ށ. ފޭދޫ، މޫނިމާގެ، އަބްދުލްއަޒީޒް އިބްރާހީމާއި ގދ. ތިނަދޫ، މަލަ، ޒަމްއަތު އަހުމަދު ވަހީދެވެ.
މީގެ ތެރެއިން ސަގީފަކީ އުވާލި އެމްއެމްސީގެ ރައީސް އެވެ. އަދި ޒަމްއަތަކީ ކުރީގެ ބްރޯޑްކޮމްގެ މެމްބަރެކެވެ.
