ނިމިދިޔަ އެމްޑީޕީ ސަރުކާރުގެ ފަހު ދުވަސް ކޮޅު ބިންގާއެޅި ދިއްދޫ އިސްލާމީ މަރުކަޒުގެ ސުކުރު ވެސް ހަމަ ރައީސް އިބްރާހިމަށް ދޭންވީ ތޯ އެވެ.
މިމިސްކިތުގެ ބިންގާ އެޅީ ރިޔާސީ އިންތިޚާބުގެ މަހެއްހާ ދުވަސްކުރިން 31 އޮގަސްޓް 2023 ގަ އެވެ. ރިޔާސީ އިންތިހާބު އޮތީ 23 ސެޕްޓެމްބަރު ގައެވެ.
މައުލޫމާތު ލިބިފައިވާ ގޮތުގައި މިޕްރޮޖަކްޓަށް 2023 ގައި އެމްޑީޕީ ސަރުކާރުން ބަޖެޓްކޮށްފައިވަނީ އެންމެ 2 ލައްކަ 10 ހާސް ރުފިޔާ. އެފައިސާ ވެސް ދެއްކީ މި ސަރުކާރުންނެވެ.
އެމްޑީޕީ ސަރުކާރުން ދިއްދޫ އިސްލާމީ މަރުކަޒު ބިންގާއެޅި އިރު ލައިބްރަރީ ކަބަޑާއި ޖަލްސާކުރާ ހޯލު ގޮނޑިތަކާއި އޮފީސް ސެޓަޕް ބަޖެޓް ކޮށްފައި ނުވާ ކަމަށް މައުލޫމާތު ލިބެ އެވެ. އެހެނަސް ސެންޓަރު ހުޅުވާއިރު ވަނީ މިސަރުކާރުން އެތަކެތި ހޯދާ ހަމަކޮށްފައެވެ.
މިއަދު ހުކުރު ނަމާދުން ދިއްދޫ އިސްލާމީ މަރުކަޒު ހުޅުވާއިރު ބިންގާ އެޅުން ފިޔަވައި އެހެން ހުރިހާ ކަމެއްކުރީ މިސަރުކާރުންކަން ގިނަ ބަޔަކު ފާހަގަ ކުރެ އެވެ.
ހއ. ދިއްދޫ އިސްލާމީ މަރުކަޒަށް ޚަރަދުވި ގާތް ގަނޑަކަށް 60 ވަރަކަށް މިލިއަން ރުފިޔާ މިސަރުކާރުން ހަރަދުކޮށް ނިންމާފައިވާއިރު ނިމިދިޔަ އެމްޑީޕީ ސަރުކާރުން އެންމެ ރުފިޔާއެއް ވެސް މިމަރުކަޒަށް ހޭދަކޮށްފައިނުވާ ކަމަށް މައުލޫމާތު ލިބެ އެވެ.
