އީރާނަށް ހަމަލާ ދިނުމުގައި ވަރަށް ބައިވަރު ހިޔާލުތަކާއި މަޝްވަރާތަށް ޓުރަމްޕް އެޑުމިނިސްޓްރޭޝަނުން ކޮއްފައިވާކަމަށް ވެއެވެ.
ޓުރަމްޕް ބޭނުންވި ނަމަވެސް އަސްކަރިއްޔާ އާއި އެމެރިކާގެ އެތަށް ވެރިންނެއް ބުނަމުން ދިޔައީ އީރާނުގެ އަތުގައި މިހާރު ބާރު ހުތި މިންވަރު ދެނެގަތުމަށް ވަރަށް އުނދަގޫ ކަމުގައެވެ. އީރާނުން ވަރަށް ޔަގީންކަމާ އެކު އިންޒާރު ދެމުން ދިޔައީ އެމެރިކާ އާއި އެންމެ ފަހު ވިންދާ ޖެހެންދެން ކުރިމަތި ލާނެވާހަކައެވެ. އަދި ހެދުނު ގޯސް ރަނގަޅުކޮށް މިތިބީ ވަރަށް ހުޝިޔާރުކަންމަތީ ކަމުގައި ވަނީ ބުނެފައެވެ. މިއީ އެމެރިކާ ދެވަނަ ވިސްނުމަށް ދާންޖެހި ގޮތް ހުސްވި ހިސާބުކަމަށް ގިނަ އެނަލިސްޓްންވެސް ވަނީ ފާހަގަކުށްފައެވެ.
ރޭގައި ދެންމެ ދެންމެ ހަނގުރާމަ ފެށިދާނެ ހާލަތަކަށް މަސްރަހު ހޫނުވެ ތަފާތު އެތަށް ކަމެއް އަދި ބަހުގެ ހަމަލާތަކެއް ވަނީ ހިނގާފައެވެ. ފަތިސް ވުމާއި ހަމައަށެވެ. ކުއްލިއަކަށް ރޭގައި އެމެރިކާގެ ރައީސް ޑޮނަލްޑް ޓްރަމްޕް ދިނީ މީހުން ސިއްސުވާލާ ކަހަލަ ހަބަރެއް ނޫނެވެ. މަލާމާތް ރައްދުވެ މީހުން އެޔަށް ޖޯކު ޖަހާކަހަލަ ހަބަރެކެވެ. ”އީރާނުން މިހާރު މީހުންނައް ނުމަރާ، އީރާނަކަށް ހަމަލާއެއް ނުދޭނަން ، އީރާނަށް ހަމަލާ ދިނުމުގެ ވިސްނުމެއް މިހާރަކު ނެތް“ މިހެންނެވެ. އޭގެ ކުރިން ހީވީ މިހާރު އެއުޅެނީ ހަމަލާ ދޭށެވެ. އަނެއް ބަޔަކު ޓުރަމްޕް މިގޮތަށް ބުނުމުން މާނަ ނެގީ އޭގެ އިދިކޮޅަށެވެ. ސަބަބަކީ ކުރިންވެސް ކަން ހިނގާފައިވަނީ މި ބީދައިން ކަމަށް ވާތީއެވެ.
ޓުރަމްޕް ގެ މިޒާޖަކީ ސަކަ މިޒާޖަކަށް ވުމުން ވާނުވާއެއް އެއްވެސް ވަރަަކަށް ނޭނގެއެވެ. ދެއިރު ދެދަޅައަށް އެއްވާހަކަ އެއް ނުދައްކައެވެ. މިހެން ވުމުން ގިނަ ފަރާތްތަކުން އެބުނާ ބަހަކަށް އިތުބާރެއް ނުކުރެއެވެ. ގިނަ ފަރާތްތަކުން ބެލީ އެގޮތަށެވެ. ޔަގީނުން ވެސް ޓުރަމްޕް އެހެން ބުނުމަށް ފަހު ހަމަލާ ދޭނެއެވެ. ނަމަވެސް އަދި މިވީ 24 ގަޑިއިރު ތެރޭގައި އެކަހަލަ ނުތަނަވަސްކަމެއް ފެންނާކަށް ނެތެވެ.
އެމެރިކާ އިން އީރާނަށް ހަމަލާ ދީފިނަމަ އީރާނުގެ ރައްދު ސެނެޓުން އާދައިގެ ގޮތަކަށް ނަގާފައި ނުވާކަމަށް ހާމަވެގެން ދިޔަ އެވެ. ސަބަބަކީ ވެނެޒުއޭލާ ފަދަ ގައުމަކަށް ނޫނީ ލީބިޔާ ފަދަ ގައުމަކަށް އަރައިގަނެ މުޅި ތަން ތަޅާލާ އުސޫލުން އީރާނަށް ހަދާ ނުލެވުނީ ކީއްވެތޯ ގިނަބަޔަކު ސުވާލު އުފެއްދި ޔަސް އީރާނުން އެދެނީ ސާފު ޖަވާބުކަން އީރާނުގެ ޕުރުފެސަރ ޑރ. މަރަންދީ ވެސް ވަނީ ވިދާޅުވެފަ އެވެ. އީރާނަކީ މިދިޔަ 12 ދުވަހު ހަނގުރާމަ ކުރި އިރު އޮތް އީރާނެއް ނޫނެވެ. މިހާރު އީރާނުން އެމެރިކާ އާއި ވެސް ކުރިމަތި ލެވޭހާ ބާރުގަދަ ކަން ވަނީ ފާހަގަކޮށްފައެވެ. މިއީ ވަރަށް ބޮޑެތި ވާހަކަ ތަަކެއް ކަން ގިނަ ފަރާތްތަކުން މާނަ ކުރެއެވެ.
ދުނިޔޭގެ އެންމެ ބޮޑު ބާރު އެމެރިކާއަށް ގޮން ޖަހާލާ އީރާނުން ވަނީ އެތަށް އިންޒާރުތަކެއް ދީފައެވެ. މިދިޔަ އީރާނު- އިޒްރޭލު ހަނގުރާމައަށް ފަހު އިއްޔެއާއި ހަމައަށް ރަޝިޔާގެ ފަރާތުން ދިޔައީ ކާރގޯ އަސްކަރީ މަތިންދާބޯޓް ތަކުން ތަފާތު އެކި އަސްކަރީ ސާމާނު އީރާނަށް އެތެރެކުރަމުން ކަމަކަށް އެކި އެކި މަސްދަރުތަކުން ހާމަވެގެން ދިޔަ އެވެ.
އީރާނުގެ އަސްކަރިއްޔާގެ ފަރާތުން މިއިން އެއްވެސް ކަމަށް ބަހެއް ބުނެފައެއް ނުވެއެވެ. ބައެއ މަސްދަރުތަކުން ހާމަވެގެން ދިޔައީ ޗައިނާގެ އެހީތެރިކަން ވެސް މިދިޔަ ދުވަސްތަކުގައި އިރާނަށް ވަރަށް ބޮޑަށް ލިބިފައިވާކުގައެވެ. ސީދާކޮށް އެއްވެސް ގައުމަކުން މިކަމުގައި އެހީތެރިވެ ދޭ ވާހަކަ އަކީ ބޮޑު ސިއްރެކެވެ. އީރާނުން ވަނީ އީރާނުގެ މިސައިލް ނިޒާމު އެތަށް ގުނައެއް ކުރިޔަށް ޖައްސާލާ އެތަށް ކުރިއެރުމެއް ހޯދާފައެވެ. އެކަން ޔަހޫދީ އިޒްރޭލައި އެމެރިކާއަށް އެނގެއެވެ. އީރާނުގެ މިސައިލްތަކަކީ އާދައިގެ ތޯތޯ އެއްޗެއް ނޫންކަން ވަނީ ސާބިތުކޮށްދީފައެވެ.
ޔަހޫދީން އަދި އެމެރިކާއިން ހަމަލާ ދިނުމަށް ހަނގުރާމަ މަތީ ބޯޓު ފަހަރުތައް ބޭނުންކުރާއިރު އީރާނުން ވަނީ ހަގީގަތުގައިވެސް ތަފާތު ފޯސް އަކުން ހަމަލާ ދީ ތަފާތު ދައްކާފައެވެ. ދުނިޔޭގެ އެންމެ ބޮޑު މިސައިލް އާރސެނަލް އަކީ އީރާނުކަން އެމެރިކާއަށް އެނގިގެން ހިނގައްޖެއެވެ. އީރާނުން ހަމަލާ ދިނުމަށް ބޭނުން ކުރަނީ އެއަރ ފޯސް އެއް ނޫނެވެ. މިސައިލް ފޯސްއެވެ. މިއީވެސް އީރާނުގެ ތަފާތުކަން ސާބިކޮށްދޭ ވަރުގަދަ ހެއްކެކެވެ.
