މިދިޔަ މަހު އެކަނިވެސް 130 ވުރެ ގިނަ ވަރި ރާއްޖޭގައި ކޮށްފައިވާކަމަށް ފެމިލީ ކޯޓްގެ ތަފާސަް ހިސާބުތަކުން ދައްކައިފިއެވެ.
އެ ކޯޓުން އާއްމުކުރި ހިސާބުތައް ދައްކާގޮތުން މިދިޔަ ޑިސެމްބަރުގައި 277 ކައިވެނިކޮށްދީފައެވެ. އަދި 137 ވަރިކޮށްދީފައިވާކަން ފެމިލީ ކޯޓް ހިސާބުތަކުން ދައްކައެވެ. މީ އޭގެ ކުރީ ނޮވެމްބަރު މަހާ އަޅާކިޔާއިރު 29 ވަރި އިތިރު އަދަދެކެވެ. ނޮވެމްބަރު މަހު ވަރީގެ އަދަދަކީ 108 އެކެވެ.
ފެމިލީ ކޯޓުން ބުނީ މިދިޔ ޑިސެމްބަރު އެކޯޓުން ނިންމި ވަރީގެ މައްސަލަތަކުގެ އަދަދު 179 އަރާކަމަށެވެ. އޭގެތެރޭގައި ވަރިކުރުމަށް އެދި ހުށައެޅި 40 މައްސަލައާއި ވަރި ސާބިތުކުރުމަށް ހުށަހެޅި 59 މައްސަލައަކާއި ވަރިއާމެދު ޝައްކު އުފެދިގެން ހުށައެޅި ތިން މައްސަލަކަމަށެވެ.
މީގެއިތުރުން ކޯޓުން މިދިޔަ މަހު 245 މައްސަލަ ނިންމާފައިވާކަމަށްވެސް ފެމިލީ ކޯޓުގެ ހިސާބުތަކުން ދައްކައެވެ. އޭގެތެރޭގައި ހިމެނެނީ ގެވެށި އަނިޔާގެ 16 މައްސަލައަކާއި ހަރަދު ދިނުމުގެ 20 މައްސަލައަކާއި ކުދިންނާއި ގުޅުން ހުރި 14 މައްސަލަ ހިމެނެއެވެ.
