އެމެރިކާ އާއި އިސްރާއީލް ގުޅިގެން އީރާނަށް އަމާޒުކޮށް ވައިގެ ހަމަލާތަކެއް ދިނުމާ ގުޅިގެން އީރާނުން ވަރުގަދަ އިންޒާރެއް މިއަދު ދީފިއެވެ.
ރިޕޯޓުތައް ބުނާ ގޮތުގައި އީރާނުން މިހާރު ތައްޔާރުވަމުން ދަނީ ރައްދު ހަމަލާތަކެއް ދިނުމަށެވެ. އެގޮތުން، ގަތަރު ފަދަ ގައުމުތަކުގައި ހުންނަ އެމެރިކާގެ އަސްކަރީ މަރުކަޒުތަކަށާއި އިސްރާއީލަށް ވަރުގަދަ ހަމަލާތަކެއް ފޮނުވާލާނެ ކަމަށް ބެލެވެއެވެ. އެމެރިކާ އާއި އިސްރާއީލުން ވަނީ އީރާންގެ ވެރިރަށް ތެހްރާންގެ އިތުރުން އެ ސިޓީއާ ކައިރި ސަރަހައްދުތަކަށް ބޮން އަޅައި ވަރުގަދަ ހަމަލާތަކެއް ދީފައެވެ. އަދި ބައެއް އެއާޕޯޓުތަކަށް ވެސް ބޮން އަޅާފައިވެއެވެ.
އީރާންގެ ގާނޫނު ހަދާ މަޖިލިހުގެ ގައުމީ ސަލާމަތާ ބެހޭ ކޮމިޝަންގެ ވެރިޔާ އިބްރާހިމް އަޒީޒީ ވިދާޅުވީ ”އަހަރުމެން ތިޔަ މީހުންނަށް އިންޒާރު“ ދީފައިވާނެ ކަމަށެވެ.
”އަހަރެމެން ތިޔަބައިމީހުންނަށް އިންޒާރު ދިނީމު!“ އޭނާ ”އެކްސް“ގައި ލިޔުއްވިއެވެ.
”މިހާރު ތިޔަބައި މީހުން ތިޔަ ހިނގައިގަތީ، އޭގެ ނިމުން ތިޔަބައި މީހުންގެ ބާރުގެ ދަށުގައި ދެން ނެތް މަގަކުންނެވެ،“
