ޕޮލިސް ކޮމިޝަނަރުގެ މަގާމަށް ކުރިމަތިލާން ހުޅުވާލައިފިއެވެ.
އެ މަގާމަށް ކުރިމަތިލެވޭނީ އެސިސްޓަންޓު ކޮމިޝަނަރު އޮފް ޕޮލިސްގެ މަގާމަށްވުރެ މަތީ ރޭންކުގައި ތިބި ފުލުހުންނަށެވެ. އެހެންކަމުން ކޮމިޝަނަރުގެ މަގާގަމަށް ޝައުގުވެރިވާ ފަރާތްތަކުން މިމަހުގެ 23 ވަނަދުވަހުގެ 14:00 ގެ ކުރިން މަގާމަށް ކުރިމަތިލުމަށް ވަނީ ހުޅުވާލާފައެވެ.
ޕޮލިސް ކޮމިޝަނަރުގެ މަގާމު ހުސްވީ އެމަގާމުގައި ހުންނެވި އިސްމާއިލް ނަވީން ކުއްލިއަކަށް ރިޓަޔާ ކުރެއްވުމުންނެވެ. މި ސަރުކާރުގެ ދެ ވަނަ ޕޮލިސް ކޮމިޝަނަރު އިސްމާއިލް ނަވީން, މަގާމުން ރިޓަޔާކުރެއްވީ އެ މަގާމަށް އައްޔަންކުރިތާ އަހަރެއްވެސް ނުވަނީސްއެވެ.
ފުލުސް ކޮމިޝަނަރު އިސްމާއިލް ނަވީން، ފުލުހުންގެ ވަޒީފާއިން ޝަރަފުވެރިކަމާއެކު މިދިޔަ މަހުގެ 18 ވަނަ ދުވަހު ރިޓަޔާކުރެއްވުމާ ގުޅިގެން، އެކްޓިން ސީޕީގެ މަގާމަށް ފަރުހާދު ފިކުރީ އައްޔަންވަނީ ކޮށްފައެވެ. އޭނާ އެ މަގާމަށް އަންޔަންކުރީ އޭގެ އަނެއް ދުވަހެވެ.
