ޓޫރިޒަމް އިންޑަސްޓްރީގެ މައި ދެ ވިޔަފާރިވެރިން ކަމުގައިވާ ޗަންޕާ މުހައްމަދު މޫސާ އާއި ގާސިމް އިބްރާހިމަށް ކުރީގެ ޕްރޮސެކިއުޓަރ ޖެނެރަލް މުހްތާޒް މުހުސިން ވަރަށް ބޮޑަށް ތައުރީފް ކުރައްވައިފި އެވެ.
ކުރީގެ ޕީޖީ މުހްތާޒް ކުރެއްވި ޓުވީޓެއްގައި ވިދާޅުވެފައި ވަނީ އެ ދެބޭފުޅުންގެ ގައުމީ މަސައްކަތް ދުވަހަކު ވެސް މި ދިވެހި ފަސްގަނޑުން ފިލައިގެން ނުދާނެ ކަމަށެވެ.
ފަތުރުވެރިކަމުގެ ދާއިރާއިންނާއި އިޖުތިމާއީ ޚިދުމަތުގެ ދާއިރާއިން އޮނަރަބަލް @qasimibrahim އާއި ޗަންޕާ މުހައްމަދު މޫސާ (އުއްޗު) މިގައުމަށް ކޮށްދެއްވާފައިވާ ޚިދުމަތްތަކަކީ ހަފްލާއެއްގެ ކޮޅު މޭޒެއްގައި ބޭންދުމަކުން ފަނޑުވެގެންދާނޭ ޚިދުމަތްތަކެއް ނޫން.
— Muhuthaz Muhusin🇲🇻🇵🇸 (@Muhuthaz) October 4, 2022
މުހުތާޒް ވިދާޅުވީ އެ ދެބޭފުޅުންނަކީ އިޖްތިމާއީ ގޮތުން ވެސް ގައުމަށް ޖެހޭ ކޮންމެ ކަމެއްގައި އެންމެ ކުރީ ސަފްގައި ހިމެނިވަޑައިގަންނަވާ ދެބޭފުޅުން ކަމަށެވެ.
