އެއީ ދުނިޔޭގެ އެންމެ ނުފޫޒާއި ބާރުގަދަ ޗައިނާ ސަފީރު ވާންގ ލިޒިންގ އެވެ. ލާމް އަތޮޅުގެ ގުދުރަތީ ރީތި ކަމުން އެކަމަނާގެ ހިތް ފަތަހަކޮށްފި އެވެ.
ދުނިޔޭގެ އެންމެ ނުފޫޒު ގަދަ ގައުމު ޗައިނާގެ ސަފީރަށް ކައްދޫ އެއަރޕޯޓުން މަރުހަބާ ދެންނެވީ ލާމް އަތޮޅު ކައުންސިލްގެ ރައީސް އިސްމާއީލް އަލީ ލާމް އަތޮޅުގެ އިސް ބޭފުޅުންނެވެ.
މިދަތުރުފުޅުގައި އެކަމަނާ ވަނީ ދިޓީވީގެ ކުރީގެ ސީއީއޯ އަދި ޒުވާން ވިޔަފާރިވެރިޔާ މަސްއޫދު ހިލްމީ އާއި ވެސް ބައްދަލު ކުރައްވާފަ އެވެ.
It was a pleasure to meet Chinese ambassador to the Maldives @China_Amb_Mdv in beautiful laamu. pic.twitter.com/UjFKPchDrk
— Masood Hilmy (@Masood_Hilmy) April 18, 2023
ދުނިޔޭގެ އެންމެ ނުފޫޒު ގަދަ އިގްތިސާދު ތަމްސީލް ކުރާ ޗައިނާގެ ސަފީރުގެ ދަތުރުފުޅުގައި ލާމް އަތޮޅުގެ ކައުންސިލްތަކާއި ގައުމީ ޔުނިވަރސިޓީއަދި މާންދޫ މަސްފެކްޓަރީގެ އިތުރުން ދަނޑުވެރިކަމުގެ ދަނޑުތަކަށް ޒިޔާރަތް ކުރައްވާފައި ވެއެވެ.
Very pleased to have a study tour in the beautiful Lammu atoll, meeting with the friendly officials & people, deeply impressed by the longest road in 🇲🇻, the 16.5km-long Lammu Link Road built with aid of the Chinese Government, which has brought great benefits to local people. pic.twitter.com/C3IKPBqrDT
— Ambassador Wang Lixin (@China_Amb_Mdv) April 16, 2023
އެކަމަނާގެ ދަތުރުފުޅުގައި ބިން ބޮޑު ލާމް އަތޮޅުގައި ހުރި ވިޔަފާރީގެ ފުރުސަތުތަކާއި ބެހޭ ގޮތުން ކައުންސިލްތަކާއި އެކު މަސްވަރާ ކުރެއްވި ކަމަށް މައުލޫމާތު ލިބެ އެވެ. އަދި ކައުންސިލްތަކާއި ލާމް އަތޮޅުގެ ދިރިއުޅޭ ރައްޔިތުންނަށް ބޭނުންވާ ކަންކަމާއި ބެހޭ ގޮތުން މަސްވަރާ ކުރެއްވި ކަމަށް މައުލޫމާތު ލިބެ އެވެ.
ޗައިނާގެ ނުފޫޒު ގަދަ ސަފީރު ލާމަށް ކުރެއްވި އެއްދުވަހުގެ ދަތުރުފުޅު އެކަމަނާގެ ޓްރީޓަރ ހޭންޑަލްގައި ބަޔާންކޮށްދީފައިވާއިރު، ލާމް އަތޮޅުގެ ގުދުރަތީ ރީތި ކަމަށް ތައުރީފް ކުރައްވާފައި ވެއެވެ.
Very interesting experience & many fond memories in Gan island! pic.twitter.com/UoDT82fecB
— Ambassador Wang Lixin (@China_Amb_Mdv) April 17, 2023
އެކަމަނާގެ ޓްވީޓްގައި ޗައިނާ ސަރުކާރުން ގާއިމްކޮށްފައިވާ ރާއްޖޭގެ އެންމެ ދިގު މަގު ލާމް ލިންކް ރޯޑްގެ ސަބަބުން އެސަރައްދުގައި ދިރިއުޅޭ ފަރާތްތަކަށް އިންތިހާއަށް ފަސޭހަ ވެގެން ގޮސްފައިވާ ކަމަށް ވިދާޅުވެފައި ވެއެވެ.
ލ. ގަމްގެ ދަނޑުތަކަށް ރިޔާރަތް ކުރައްވާ ނަންގަވާފައިވާ ފޮޓޯތައް ހިއްސާ ކުރައްވާ ވިދާޅުވެފައި ވަނީ ގިނަ ލޯބި ހަދާތަކެއް ލާމް އަތޮޅުން ލިއްބައިދީފައިވާ ކަމަށެވެ.
