އެއްވެސް މީހަކަށް ދިރިއުޅުމަކީ ފަސޭހަކަމެއް ނޫނެވެ. ފަސޭހަ ދުވަސްތަކަށްވުރެ ދަތި އުނދަގޫ ދުވަސްތައް ގިނަވާނެއެވެ. އެއީ ޖްއްސަވާ ތަކްލީފެއް ނޫނެވެ. ލައްވަވާ ވަރަށް ބޮޑު ރަޙްމަތެކެވެ. ގިނަގިނައިން ﷲ ތަޢާލާގެ މަތިން ހަނދުމަކުރުމަށް ދެއްވަވާ ފުރުޞަތެކެވެ.
ދިރިއުޅުމަކީ ދަތި އުނދަގޫ ކަމެކެވެ. ނަމަވެސް ﷲ ތަޢާލާ ފަސޭހަކަން މިންވަރުކުރައްވަވަތެވެ! ހީވެސް ނުކުރެވޭ ކަންކަން މެދުވެރިވެއެވެ! ކޮންމެ ދުވަހަކު އެތައް ބައިވަރު ނިޢުމަތްތައް މިންވަރުކުރައްވަވަތެވެ. ﷲ ތަޢާލާ މަގުދައްކަވަތެވެ!
ދިރިއުޅުމުގައި ގޮންޖެހުންތައް ކުރިމަތިވެއެވެ! ﷲ ތަޢާލާ އެކަންކަމުން ސަލާމަތްކަން ދެއްވަވަތެވެ! އެއްވެސް ތަކްލީފެއް އަބަދަކަށް ނުޖައްސަވަތެވެ. ހިނދުކޮޅަކަށްފަހު ލުއިކޮށް ދެއްވަވަތެވެ.
އަހުރެމެންނަށް އޮތީ ﷲ ތަޢާލާ އަންގަވާފައިވާ ގޮތަށް ދިރިއުޅެން މަސައްކަތްކުރުމެވެ. ﷲ ތަޢާލާއަށް ކިޔަމަންތެރިކަން އިތުރުކުރާށެވެ! އެކަލާނގެ ރުހިވޮޑިގަތުން ލިބުމުން އެމީހަކު އަބަދުވެސް ހުންނާނީ އުފަލުންނެވެ. ދަތިޙާލުގައިވެސް އަދި ހިތްދަތިކަމުގައިވެސް އެމީހާ ހުންނާނީ އުފަލުންނެވެ. އިން ޝާ ﷲ
ވިސްނައިލާށެވެ! ދުނިޔޭގެ އާބާދީ މިވަނީ 7 ބިލިއަނަށް އަރައިފައެވެ. އެކަމަކު ކޮންމެ މީހެއްގެ ހުރިހާ ކަންކަން ﷲ ތަޢާލާ ވަޤުތުން ބައްލަވައިވޮޑިގެންވެއެވެ. ދެކެދެނެވޮޑިގެންވެއެވެ. ވީމާ އަހުރެމެންނަށް އޮތީ އަމަލުތައް ސީދާކުރަން މަސައްކަތްކުރުމެވެ. އެއިރުން އެމީހަކަށް ޘާބިތުކަން ދެއްވަވާނެތެވެ!
