އެސްފީނާއަކީ ޙަޤީޤަތެއްކަމާއި އެސްފީނާގެ ސަބަބުން ހީވެސް ނުކުރެވޭފަދަ ބޮޑެތި ގެއްލުންތައް ލިބެމުން އަންނަކަން އެންމެންނަށްވެސް އެނގޭނެއެވެ. ނަމަވެސް ހިތާމައަކީ އެކަމުން ރައްކައުތެރިވާން ކުރަންޖެހޭ ކަންކަން ކުރަން ގިނަ ބައަކު އިހްމާލުވަމުން އަންނަ ކަމެވެ.
ހެނދުނުނާއި ހަވީރުގެ ޛިކުރްތައް ކިޔެވުމާއި ގެއިން ނުކުންނައިރު ކިޔަންޖެހޭ ޛިކުރްތައް ކިޔުމާއި ﷲ ތަޢާލާ އަންގަވާފައިވާ މަގުން ނިވާވެގެން އުޅުމާއި މީސްތަކުންގެ ތެރޭގައި އުޅޭއިރު ރައްކައުތެރިވުމާއި ބެލުންތައް ތިރިކުރުމާއި މިފަދަ ކަންކަން ކުރުމުގައި ގިނަ ބައަކު މިއަދުވަނީ ވަރަށް ބޮޑަށް އިހްމާލްވެފައެވެ.
ދަރިން ބޭރަށް ނެރޭއިރު އެހެން މީހުންގެ ސަމާލުކަން ލިބޭފަދަ ފޭރާން އެޅުވުމާއި އަނހެނުންގެ ޒީނަތްތެރިކަން އެންމެންނަށް ދެއްކުމާއި އެހެން މީހުން އަޅައިގަންނަފަދަ ފޭރާންލައި އަދި އެހެން މީހުންނަށް ވަސްދުވާ ގޮތަށް ސެންޓް ޖެހުން ފަދަ ކަންކަން ނުކުރަން ދީނުގައި އޮތީ މިފަދަ ކަންކަމުން ރައްކައުތެރިކަން ލިބިގަތުމަށެވެ.
ދަރިއަކަށް މޮޅު ހުނަރެއް ލިބުނު ނަމަވެސް މިހާރަކަށް އައިސް ފުރަތަމަކަމަކަށް ކުރެވޭކަމަކަވެފައި މިއޮންނަނީ ސޯޝަލް މީޑިއާގެ ކޮންމެވެސް ވަސީލަތެއް މެދުވެރިކޮށް ވީހާ ގިނަ ބައަކަށް އެކަން ހާމަކުރުމެވެ. މުޅި ދުނިޔެއަށް އިޝްތިހާރުކުރުމެވެ. މިއީ ހެދޭ އެންމެ ބޮޑު އެއް ގޯހެވެ.
ކެރިހުރެގެން ބުނަމެވެ. އަމިއްލަ ޢާއިލާގެ ވެސް އެންމެންނަކީ މާޝާ ﷲ ބުނެ ހެޔޮދުޢާކުރާނެ ބައެއް ނޫނެވެ. ޙަސަދަވެރިވެ އެސްފީނާ ލާނެ ބައަކު އަމިއްލަ ޢާއިލާގައިވެސް ތިބޭނެއެވެ. ވީމާ ފެމިލީ ގްރޫޕްތަކުގައިވެސް ދަރިންގެ ކަންކަން ޙިއްޞާކުރަން ހެޔޮނުވާނެއެވެ.
Jabir reported: The Messenger of Allah, peace and blessings be upon him, said,
“A great many from my nation who die, after the judgment, decree, and providence of Allah, die by the evil eye.”
Source: Musnad Abī Dāwūd al-Ṭayālisī 1868
Grade: Hasan (fair) according to Al-Albani
عَنْ جَابِرٍ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ جُلُّ مَنْ يَمُوتُ مِنْ أُمَّتِي بَعْدَ قَضَاءِ اللَّهِ وَكِتَابِهِ وَقَدَرِهِ بِالْأَنْفُسِ يَعْنِي بِالْعَيْنِ
1868 مسند أبي داود الطيالسي
މި ޙަދީޘްފުޅުގައި އެކުލެވިގެންވާ މާނައީ ”ﷲ ތަޢާލާގެ ޤަޟާގަދަރަށްފަހު ތިމަންކަލޭގެފާނުގެ އުންމަތުގެ މީހުންގެ ތެރެއިން އެންމެ ގިނަ މީހުން މަރުވަނީ އެސްފީނާގެ ސަބަބުންނެވެ.“
