މިއަދުގެ ހުކުރު ހުތާ ބާ ހާއްސަކޮށްފައިވަނީ ސިހުރުގެ ނުބައިކަން މި މައުޝޫގެ މައްޗަށެވެ.
މިއަދު އަހަރެމެންގެ ތެރޭގައި ފެތުރިފައިވާ ކުށްތަކުގެ ތެރޭގައި، އެ ކުށްތަކަކަށް އަރައިގަތުމުން، ދީނުން ބޭރުވާ ފަދަ ކުށްތައްވާކަން ފާހަގަކޮށް އޭގެ ތެރެއިން އެއްކަމަކީ ސިހުރުކަމަށް ހުތުބާގައިވެެއެވެ. ސިހުރު ހަދާ މީހުންގެ ގާތަށް ގޮސް އޭނާގެ ބަސް ތެދުކޮށް، އޭނާގެ ކިބައިން އެހީތެރިކަން ހޯދައިފި މީހާ، ކީރިތި ރަސޫލާގެ މައްޗަށް ބާވައިލެއްވި ތަކެއްޗަށް ކާފިރުވެފައިވާކަަން ހުތުބާގައި ވަނީ ފާހަގަކުރައްވާފައެވެ. އަދި މިނުބައި ފާސިދު އަމަލު މިއަދު ވަނީ މުޅި މުޖުތަމައަށް އާންމުވެފައިވާކަމަށްވެސް ހުތުބާގައިވެ އެވެ.
ސިހުރަކީ ޙަޤީޤަތެއްކަން ބާޔާންކުރަނުން ހުތުބާގައި ވަނީ އޭގެ އެއްބާވަތަކީ، އެކަންކުރާ މީހުންގެ ކުޅަދާނަކަމުން، މީސްތަކުންގެ ލޯމައްޗަށް އޮޅުވާލާ އޮޅުވާލުންކަމަށެވެ. އަދި. ސިހުރުގެ އަނެއް ބާވަތަކީ، ކެހިވެރިކަމުގެ ދައްކާލުމެއް ނޫންކަމަށާއި އެއީ މީހުންގެ ހިތްތަކަށާއި، ހަށިގަނޑަށް އޭގެ އަސަރު ފޯރާ ބާވަތެއްކަމަށެވެ.
ސިހުރު އުނގެނުމަކީ، ކާފިރުވާނެ ޢަމަލެއްކަން ގުރުއާނުގެ ސަރީޙަ ނައްސުން ޘާބިތުވކަން ފާހަގަކުރަމުން ހުތުބާގައިވަނީ މި ކުފުރުގެ އަމަލުކޮށްއުޅޭ މީހުން، ތައުބާވެ، މާތް ﷲ ގެ މަގަށް އެނބުރި ރުޖޫއަވުމަށް ގޮވާލާފަ އެވެ. އަދި ސިހުރުހާހޫރައާ ދުރުހެލިވެ މުސީބާތްތަކުން މިންޖުވުމަށާއި، ބޭނުންވާ ކަންކަމުގައި، އިހްލާސްތެރިކަމާ އެކު މާތް ﷲ ގެ ހަޒުރަތުގައި ދުއާކުރުމަށްވެސް ހުތުބާގައި ވަނީ ގޮވާލާފަ އެވެ.
ސިހުރަކީ ކާފިރުވާ ފަދަ ބޮޑުފާފައެއްކަމާއި އެކަމުން ދެ ދުނިޔޭގެ ގެއްލުމާއި ހަލާކަށް މަގުފަހިވާކަންވާކަން ހުތުބާގައިވަނީ ހަނދާންކޮށްފީފަ އެވެ.
