މިއަދު މާލޭގެ ބައެއް ސަރަހައްދުތަކުން ކަރަންޓު ކެނޑުން އެކަށީގެންވާ ކަމަށް ސްޓެލްކޯއިން ބުނެފިއެވެ.
ސްޓެލްކޯއިން މިއަދު ވިދާޅުވީ، ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލޭ އަމީރު އަޙުމަދު މަގު އަދި ބޮޑުތަކުރުފާނު މަގު އަދި ލޮޓަސް ގޯޅި ހިމެނޭ ސަރަޙައްދުން މިއަދު މެންދުރުފަހު 14:30 އިން 16:30 އަށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ.
އޭގެ އިތުރުން، ބުރުޒު މަގު، ބޮޑުރަސްގެފާނު މަގު، ނިރޮޅު މަގު އަދި ޝަބްނަމް މަގު ހިމެނޭ ސަރަޙައްދުން މިއަދު މެންދުރުފަހު 14:30 އިން 16:30 އަށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށް ވިދާޅުވެފައިވެއެވެ.
ދީފްރަމް ގޯޅި، ފިނިފެންމާ ގޯޅި، ގަލަދުން ގޯޅި އަދި މެހެލި ގޯޅި ހިމެނޭ ސަރަޙައްދުން މިއަދު ހެނދުނު 10:00 އިން 12:00 އަށް ކަރަންޓުގެ ޚިދުމަތް މެދުކެނޑިދާނެ ކަމަށް ވިދާޅުވެފައިވެއެވެ. ސަތަރު ގޯޅި، ސަބްދެރިޔާ މަގު، ރަށްދެބައި މަގު އަދި އަނޯނާ ގޯޅި ހިމެނޭ ސަރަޙައްދުން ވެސް ހަމަ އެ ގަޑީގައި ކަރަންޓު ކެނޑުން އެކަށީގެންވާ ކަމަށް ވިދާޅުވެފައިވެއެވެ.
އޭގެ އިތުރުން، ހުޅުމާލެ ފޭސް 1، އޮނުގަސް މަގު، އަސުރުމާ ހިނގުން، ރީތިގަސް މަގު އަދި ހައިވަކަރު މަގު ހިމެނޭ ސަރަޙައްދުން މިއަދު ހެނދުނު 10:00 އިން 11:00 އަށް ކަރަންޓުގެ ޚިދުމަތް މެދުކެނޑިދާނެ ކަމަށް ވިދާޅުވެފައިވެއެވެ.
އެކަމާއި ގުޅިގެން ދިމާވެދާނެ ދަތިތަކަށް ސްޓެލްކޯއިން މައާފަށް އެދުނެވެ.
