ރަސްމީ ދަތުރެއްގައި ފޮރިން މިނިސްޓަރު ވަޒީރު މޫސާ ޒަމީރު އެކުވެރި އަރަބި އިމާރާތް (ޔޫއޭއީ)އަށް ފުރާވަޑައިގެންފިއެވެ.
މި މަހުގެ 4 ވަނަ ދުވަހުގެ ނިޔަލަށް ޒަމީރު ކުރައްވާ މި ދަތުރުގައި ރާއްޖެއާއި ޔޫއޭއީއާ ދެމެދު އޮންނަ ގާތް، ރަޙްމަތްތެރިކަމުގެ ގުޅުން އިތުރަށް ހަރުދަނާކޮށް، ބަދަހިކުރުމަށް އެޅޭ މުހިންމު ފިޔަވަޅެއްކަމަށް ފޮރިން މިނިސްޓްރީން ބުނެއެވެ.
ޒަމީރުގެ މި ދަތުރުގައި ޔޫއޭއީގެ ބޮޑުވަޒީރުގެ ނާއިބު އަދި ފޮރިން މިނިސްޓަރު، ޝެއިހް އަބްދުالله ބިން ޒައިދު އަލް ނަޙްޔާން ބައްދަލުކުރައްވާނެކަަމަށް ފޮރިން މިނިސްޓްރީން ބުނެއެވެ. އަދި މީގެއިތުރުން ޔޫއޭއީ ސަރުކާރުގެ އިސްވެރިންނާ ބައްދަލުކުރައްވާނެކަަމަށްވެސް ފޮރިން މިނިސްޓްރީން ބުނެއެވެ. .
މި ދަތުރުގައި އެމްބެސެޑަރ-އެޓް-ލާޖް، އަހުމަދު ނަސީރާއި ސެކްރެޓަރީ، ބައިލެޓަރަލް، ޑރ. ހާލާ ހަމީދާއި ޖޮއިންޓް ސެކްރެޓަރީ، މަރްޔަމް ރީޝާ ބައިވެރިވާކަމަށް ފޮރިން މިނިސްޓްރީން ބުނެއެވެ.
