އައިޖީއެމްއެޗްގެ ހައިބްރިޑް ތިއޭޓަރުގައި ބޮޑެތި އޮޕަރޭޝަންތައް ކުރަން ފަށައިފިއެވެ.
ދަރުމަވަންތަ ހޮސްޕިޓަލުގައި ގާއިމްކޮށްފައިވާ ހައިބްރިޑް ތިއޭޓަރަކީ މި ސަރަހައްދުގެ އެންމެ ވަރުގަދަ ތިއޭޓަރެވެ.
އެންމެ ޒަމާނީ ފެންވަރުގައި ހަދާފައިވާ ހައިބްރިޑް ތިއޭޓަރުގައި ބޮޑެތި އޮޕަރޭޝަންތައް ފެށިކަމަށް އައިޖީއެމްއެޗުން މިއަދު ވަނީ އިއުލާންކޮށްފައެވެ.
ދަރުމަވަންތަ ހޮސްޕިޓަލުން ބުނީ ކެތު ލެބާއެކު ޒަމާނީ ހައިބްރިޑް އޮޕަރޭޓިން ތިއޭޓަރެއް ތައާރަފްކުރުމަކީ ލިބުނު ވަރަށް ބޮޑު އުފަލެއްކަމަށެވެ. އެންމެ ޒަމާނީ ފެންވަރުގައި ހަދާފައިވާ މި ތިއޭޓަރުގައި ސިކުނޑިއާއި ހިތުގެ ޕްރޮސީޖާތަކާއި ބެދިފައިވާ ލޭ ހޮޅިތައް ރަނގަޅުކުރުމަށް ފްލެކްސިބުލް ކެތީޓާ ބޭނުންކުރުން ފަދަ ހިދުމަތާ އެކު ރާއްޖޭގައި ދުނިޔޭގެ ފެންވަރުގެ ފަރުވާ ލިބޭނެ ކަމަށް އައިޖީއެމްއެޗުން ބުނެއެވެ.
އައިޖީއެޗުން ބުނީ އެ ތިއޭޓަރު ބޭނުން ނުކޮށް ހުރުމުން މަދަބޯޑުގެ ސާކެޓުތަކެއްގެ މައްސަލަ ދިމާވެފައި ހުރިކަމަށެވެ. އަދި އެކަން ހައްލުކުރުމަށް ސްޕެއާ ގެނެސް މައްސަލަ ހައްލުކުރުމަށްފަހު އޮޕަރޭޝަންތައް ކުރަން ފެށީ މިދިޔަ ހަފްތާގައިކަމަށް އެ ހޮސްޕިޓަލުން ބުނެއެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި އެޅި 25 ބުރީގެ ދަރުމަވަންތައް ހޮސްޕިޓަލުގައި ހުރި މި ތިއޭޓަރު ބޭނުންނުކޮށް ހުންނަތާ ހަ އަހަރަށް ވުރެ ގިނަ ދުވަސް ވަނީ ވެފައެވެ.
