ހަމްބޯ ކުންފުނިން ހުޅުމާލޭގައި ބިނާ ކުރަން ފެށި މަތީފަންތީގެ ލަގްޒަރީ އެޕާޓްމެންޓްތަކުން އެތައްބަޔަކަށް ލަނޑު ލިބި ފޫނުބެއްދޭ ވަރުގެ ބޮޑެތި ގެއްލުންތަކަކާއި ވަނީ ކުރިމަތި ލާން ޖެހިފަ އެވެ.
މި ބޮޑު ޖަރީމާއަށް އަހަރަކަށް ވުރެ ގިނަ ދުވަސް ވެފައިވާއިރު މިކަމުގައި ގެއްލުން ލިބުނު ފަރާތްތަކަށް އަދިވެސް ވާއެއް ނުވާއެއް ސާފެއް ނުވެ އެވެ.
އެމްޑީޕީވެރިކަމުގައި ހިންގި މި ބޮޑު ޖަރީމާއަށް އަހަރުތަކެއް ވެފައިވާއިރު މިކަމުން ގެއްލުން ލިބުނު ފަރާތްތަކަށް އަދިވެސް ތަސައްލީއެއް ނެތެވެ.
ފުލުހުން މައްސަލަ ތަހްގީގް ކުރަމުންދާއިރު މިހާތަނަށް ކަމުގެ އެއްވެސް މައުލޫމާތެއް ހާމަކޮށްފައެއް ނުވެ އެވެ.
މަންޑޭ ބޭނުންވާ އެތައް ބަޔަކަށް ފޯޖް ޑޮކްމެންޓާއި އެކު އެޕާޓްމަންޓް ގަތް ކަމުގެ ލިޔުން ދީފައިވާއިރު ހަގީގަތުގައި އެތަނުން ފައިސާ ދައްކައިގެން އެޕާޓްމެންޓް ގަތް ފަރާތްތައް ވަނީ އިދަޖެހިފަ އެވެ.
މި ޖަރީމާ ހިންގި އެންމެ ބޮޑު މުޖްރިމް މަންޑޭގެ މައްޗަށް ކުރަނީ މަނީ ލޯންޑަރިން އާއި ޓެރަރިޒަމް ފައިނޭންސް ކުރުމުގެ ގާނޫނުގެ ދަށުން މަނީ ލޯންޑަރިންގެ ދައުވާ އެވެ. އަދި ސައްހަ ނޫން ލިޔުމުގެ ދައުވާ އާއި އޮޅުވާލުމުގެ ކުށުގެ ދައުވާ އާއި ޓެކުގެ ދައުވާ ކުރަން ވިސްނާ ކަމަށް ކުރިން ޕީޖީ އޮފީހުން ބުނެފައި ވެއެވެ.
މި ހުރިހާ ދައުވާތަކެއް ކުރަން ނިންމާފައި ވަނީ ކޮންމެ ހާދިސާއަކަށް ވަކިވަކިން ކަމަށް ވާތީ، މަންޑޭގެ މައްޗަށް 255 ދައުވާ ކުރާނެ ކަމަށް ބެލެވޭ ކަމަށެވެ.
