މަސްވެރިންގެ އަތުން މަސް ކިރުމަށްފަހު މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) އިން މަސްވެރިންނަށް ދޭން ޖެހޭ 22.9 މިލިއަން ރުފިޔާ ދޫކުރަން ފަށާފައިވާ ކަމަށް އެ ކުންފުނިން ބުނެފި އެވެ.
މިފްކޯއިން މިއަދު ބުނީ މި ފަހަރު ދޫކުރަނީ މިިދިޔަ މަހުގެ 28 އިން ފެށިގެން މި މަހުގެ 15އާ ހަމައަށް ކިރުވާފައިވާ މަހަށް ދޫނުކޮށް އޮތް 22.9 މިލިއަން ރުފިޔާ ކަމަށެވެ.
އަދި އެ ފައިސާ މިހާރު އެކައުންޓްތަކަށް ޖަމާކުރަމުންދާ ކަމަށް ވެސް ބުނެފައިވެ އެވެ.
މަސްވެރިންނަށް އެންމެ ފަހުން ފައިސާ ދޫކުރީ މިދިޔަ މަހުގެ 31 ވަނަ ދުވަހު އެވެ. އެގޮތުން 27 ސެޕްޓެމްބަރުން މިދިޔަ މަހުގެ 27 އާ ހަމަައަށްވާ މުއްދަތަށް ކިރި މަަހަށް 15 މިލިއަން ރުފިޔާ ދޫކޮށްފައިވެެ އެވެ.
މިއަދު ޖަމާކޮށްދިން ފައިސާއާ އެކު މަސްވެރިންނަށް މިހާރު ވަނީ 918 މިލިއަނަށް ވުރެ ގިނަ ރުފިޔާ މި ސަރުކާރުން ޖަމާކޮށް ދީފަ އެވެ. މިހާރު މަސްވެރިންނަށް ނުދައްކާ ހުރީ 30،482،931ރ. ކަމަށް މިފްކޯގެ ހިސާބުތަކުން ދައްކަ އެވެ.
