އުއްދަނޑިން އިސްތަށި އުޖާލާ ކޮށްލާ!
ދެންމެ | 28 ޑިސެމްބަރ 2024

ކެއުމުގައި ހިމަނާ އެއްޗެއްގެ ސަބަބުން ވެސް މީހާގެ އިސްތަށިގަނޑަށް އަސަރު ކޮށްފާނެއެވެ. ބައެއް ކަހަލަ އެއްޗެހި ކެއުމުން އިސްތަށިތައް ކުރަކިވެ ހަލާކުވާއިރު، ބައެއް ކަހަލަ އެއްޗެހި ކެއުމުން އިސްތަށިގަނޑު ވަރުގަދަވެ ރީތިވެސް ވެއެވެ. މިފަހަރު މި ހިމަނާލަނީ އިސްތަށިގަނޑު ރީތިކުރުމަށް ކާންވީ ބައެއް ބާވަތްތަކެވެ.

ގަނދަކޯޅި މާ އަޅައިގެން ކައްކާ ފެނަކީ އިސްތަށިގަނޑަށް ވަރަށް ފައިދާހުރި އެއްޗެކެވެ. މި ބޭނުން ކުރުމުން އިސްތަށިގަނޑުގެ ފޮލިކަލްތައް ވަރުގަދަވެ، އޭގެ ސަބަބުން ބޮލުގެ ހަންގަނޑުގައި ލޭ ދައުރުވުން ރަނގަޅު ވެއެވެ. އަދި އޭގެ ސަބަބުން ފަސޭހައިން އިސްތަށި ފަޅައި އިސްތަށިގަނޑު ވަރުގަދަވެސް ވެއެވެ.

އުއްދަނޑި ފެން

އުއްދަނޑީގެ ފެން ބުއިމުންވެސް އިސްތަށިގަނޑު ވަރުގަދަވެ ރީތިވެއެވެ. މިއީ ގިނަ އަދަދަކަށް ޒިންކު، ޕޮޓޭސިއަމް، މެގްނީޒިއަމް އަދި ކެލްސިއަމް ހިމެނޭ އެއްޗެކެވެ. އަދި މީގެ އިތުރުން މީގައި ވިޓަމިން ބީ12 އާއި ސީ އަދި އޭ ވެސް ހިމެނެއެވެ. މި ހުރިހާ މާއްދާއަކީވެސް އިސްތަށިގަނޑަށް ވަރަށް ފައިދާ ހުރި މާއްދާތަކެކެވެ. އެހެންކަމުން މި ބޭނުން ކުރުމުން އިސްތަށި ފެޅުން އިތުރުވެ، މީހާގެ އިސްތަށިގަނޑު ވަރުގަދަވެސް ވެއެވެ.

ގްރޭޕްފުރުޓަކީވެސް އޭގައި ގިނަ އަދަދަކަށް ފައިބާ އާއި ވިޓަމިން ސީ އަދި ބަޔޯފްލެވެނޮއިޑު އެކުލެވޭ އެއްޗެކެވެ. މި ބޭނުން ކުރުމުން ހަށިގަނޑުގައި ކޮލަޖެން އުފައްދާ މިންވަރު އިތުރުވެ، އޭގެ ސަބަބުން ހަންގަނޑުގެ އިލާސްޓިސިޓީ ރަނގަޅު ވެއެވެ. އަދި މީހާގެ އިސްތަށިގަނޑުވެސް ރީތިވެއެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!