ޢާންމު ގޮތެއްގައި ރެއަކު 7 ގަޑިއިރާއި 9 ގަޑިއިރާއި ދެމެދުގެ ވަޤުތެއްގައި ނިދޭނަމަ ހަށިގަނޑަށް ބޭނުންވާ ވަރަށް ނިދި ލިބޭނެއެވެ. ނމަވެސް ބައެއް މީހުން ވަރަށް ގިނައިން ނިދައެވެ. 10،12، 14 ގަޑިއިރުވެސް އެބަ ނިދައެވެ.
އެހެންކަމަށްވާނަމަ ޑޮކްޓަރަކަށް ދައްކައި މަޝްވަރާކުރަންވާނެއެވެ. ނާރު ތަކުގައި މައްސަލައެއް ނެތްކަން ޔަޤީންކުރަންވާނެއެވެ.
ދިރާސާ ތަކުން އެނގޭގޮތުގައި ބައެއް ބަލިތަކުގެ ސަބަބުންވެސް ގިނައިން ނިދެއެވެ. އެއިގެ ތެރޭގައި ފަލަވެ ބަނޑުގައި މަސްޖެހުން، ހަކުރުބަލި، ހިތުގެ ބަލި، ފަޔަށް ޖެހޭ ބައެއް ބަލިތައް، ފަދަ ބަލިތައް ހިމެނެއެވެ. މީގެ އިތުރުން އެންޒައިޓީގެ މައްސަލަތަކުގައި އެއްބައަކަށް ނުނިދިގެންއުޅޭއިރު އަނެއް ބައަކު ކުރިއަށްވުރެ ގިނައިން ނިދައެވެ.
މީގެ އިތުރުން ބައެއް ދިރާސާތަކުން އެނގޭ ގޮތުގައި 6 ގަޑިއިރާއި 8 ގަޑިއިރާއި ދެމެދުގެ ވަޤުތަށްވުރެ ގިނައިން ނިދުމަކީ ހިތުގެ ބަލިތަކުގައި މަރުވުމުގެ ފުރުޞަތު ބޮޑުވެގެންދާ ކަމެކެވެ.
– މަޢުލުމާތު: ޞިއްޙީ ޚަބަރު
މިދިރާސާތަކުގެ މައްޗަށް ބެލައި ބުނާނަމަ ކައިބޮއި، ގޭތެރޭގެ މަސައްކަތްތައް ނިންމާލައި ލަސްވެގެން 10 ޖަހާއިރު ނިދާފައި ފަތިހު 4 ޖަހާއިރު ހޭލަންވީއެވެ. އެއަސްވުރެވެސް ރަނގަޅު ގޮތެއް އެބައޮތެވެ. އެއީ ލަސްވެގެން 9.30 ގައި ނިދައި މެންދަމުން އަލިވެ 3.30 ގައި ހޭލަންވީއެވެ. ހޭލައިގެން ރޭއަޅުކަންކޮށް ފަތިސްނަމާދުކުރަންވީއެވެ.
އެވަރުންވެސް ފުދޭވަރަށް ނިދި އެބަ ލިބެއެވެ. ތަންކޮޅެއް މަދުވާނަމަ މަސައްކަތު ދިއުމުގެ ކުރިން ނުވަތަ ދުވާލުގެ ވަޤުތެއްގައި ބައިގަޑިއިރު ނުވަތަ 1 ގަޑިއިރު ނިދައިލާށެވެ. ފުރިހަމަ ޞިއްހަތެއްވެސް ލިބޭނެއެވެ. އަދި ދީނުގައި އޮތްމަގުން ޢަމަލުވެސް ކުރެވުނީއެވެ.
