ބްރެޒިލްގެ މޮޑެެލެއްގެ ފޮޓޯތަކެއް ބޭނުންކޮށްގެން 700 އަންހެނަކަށް އޮޅުވާލި އިންޑިއާގެ 23 އަހަރުގެ ފިރިހެނަކު ހައްޔަރުކޮށްފިއެވެ.
ދިއްލީގެ ފުލުހުން ނެރުން ބަޔާނެއްގައި ބުނެފައިވަނީ ތުޝާރު ބިޝްޓު ހައްޔަރުކުރީ ބަމްބަލް އާއި ސްނެޕްޗެޓް ފަދަ އޮންލައިން ޕްލެޓްފޯމްތައް ބޭނުންކޮށްގެން އޭނާގެ ޝިކާރައަކަށްވި މީހުންނަށް ހިތްވަރު ދީ، ޕްރައިވެޓް ފޮޓޯ އާއި ވީޑިއޯ ބޭނުންކޮށްގެން ބްލެކްމެއިލްކޮށް ފައިސާ ހޯދުމުގެ ތުހުމަތުގައެވެ.
އެ ބަޔާނުގައި ބުނެފައިވަނީ އޭނާ އެމެރިކާގެ ފްރީލާންސް މޮޑެލެއްގެ ފޮޓޯތަކެއް ބޭނުންކޮށްގެން، ތިމަންނާ އަކީ އެ މޮޑެލް ކަމަށް ހެދިގެން އެކަން ކަށަވަރު ކުރެވޭ ފަދަ ފޭކު އައިޑެންޓިޓީތަކާއި، ވާޗުއަލް އިންޓަނޭޝަނަލް ނަމްބަރުތަކެއްވެސް ބޭނުންކޮށްފައިވާ ކަމަށެވެ.
ބިޝްޓް ފޭކް ޕްރޮފައިލް ބޭނުންކޮށްގެން އާންމު ގޮތެއްގައި އޮޅުވާލާފައިވަނީ އުމުރުން އަށާރަ އަހަރާއި ތިރީސް އަހަރާ ދެމެދުގެ އަންހެނުންނަށެވެ. ބިޝްޓް ގެ ޝިކާރަ އަކަށް މީހުންވެފައިވަނީ އެމީހުންނާއި އެކި ގޮތްގޮތަށް ވާހަކަ ދައްކައިގެން ހައްދައިގެންނެވެ. އަދި އެ މީހުންގެ އަތުން އޭނާ ވަނީ ބަރަހަނާ ވީޑިއޯ އާއި ފޮޓޯތައް ހޯދާފައިވެ އެވެ. ބިޝްޓް ވަނީ އޭނާގެ ޝިކާރަ އަކަށްވި މީހުނެގެ ފޮޓޯ އަދި ވީޑިއޯ ލީކް ކޮށްލާނެ ކަމަށް ބުނެ ބޮލެކްމެއިލް ވެސް ކޮށްފައެވެ.
ފުލުހުން ބުނީ ތަހުގީގަށް އެންގިފައިވާ ގޮތުން ތުހުމަތު ކުރެވޭ މީހާ ބަމްބަލްގައި 700 އަށް ވުރެ ގިނަ އަންހެނުންނާ މުއާމަލާތްކޮށްފައިވާ ކަމަށެވެ. އަދި ބިޝްޓް ގެ ފޯނުގައި ތުހުމަތު ކުރެވޭ ހެކިތަކެއް ހުރި އިރު މީގެ އިތުރުން އެކި ބޭންކްތަކާ ގުޅުން ހުރި 13 ކްރެޑިޓް ކާޑު ވެސް ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް އެ ބަޔާނުގައި ވެއެވެ.
