ދަ ޑިމޮކްރެޓްސްގެ ނައިބު ރައީސް މުހައްމަދު ޝިފާޒު އާއި އެ ޕާޓީގެ ކައުންސިލް މެންބަރު، ރައްޔިތުންގެ މަޖިލީހުގެ މެދުހެންވޭރު ދާއިރާގެ ކުރީގެ މެމްބަރު އަލީ އާޒިމްގެ އިތުރުން އެސްޓީއޯގެ ކުރީގެ އެމްޑީ ހުސެއިން އަމްރް އެމްޑީޕީ އަށް ސޮއިކޮށްފި އެވެ.
ޝިފާޒު އާއި އާޒިމުގެ އިތުރުން، އެމްޑީޕީގައި ކުރިން އިސް ދައުރެއް އާދަކުރަމުން ދިޔަ އިބްރާހިމް ރަޝީދު (މާމިގިލީ އިބޫ) ވެސް ދަ ޑިމޮކްރެޓްސް ދޫކޮށް، އެމްޑީޕީ އަށް އިއްޔެ ސޮއިކޮށްފައިވާ ކަމަށް، ދެ ޕާޓީގެ މަސްދަރުތަކުން ކަށަވަރުކޮށް ދިނެވެ.
މިކަމާ ގުޅޭ ގޮތުން މި ތިން ބޭފުޅުންގެ ރަސްމީ ބަހެއް ނުލިބުނެވެ. ފޯނުން ގުޅުމުން ޖަވާބެއް ނުދެއްވަ އެވެ. ވަޓްސްއަޕްއިން މެސެޖުކުރުމުން އެމްޑީޕީ އަށް ސޮއިކުރިކަން ދޮގެއް ނުކުރެ އެވެ.
ނިޔާޒު އެކްސްގައި ކުރެއްވި ޕޯސްޓެއްގައި ބުނީ ސިޔާސީ އިސްލާހީ މަސައްކަތުގައި އަބަދުވެސް އެންމެ މުހިއްމު މަސައްކަތެއް ކުރެވޭނެ ޖާގަ އޮންނާނީ އެމްޑީޕީގައި ކަމަށާއި، ސިޔާސީ ކުރިމަގު ހޯދަން އެދޭ ކޮންމެ މީހަކަށް އެމްޑީޕީ އޮތީ ތަންމިނަށް ހުޅުވިފައި ކަމަށެވެ.
ނިމިގެން ދިޔަ ރިޔާސީ އިންތިހާބުގައި ދަ ޑިމޮކްރެޓްސްގެ ކެންޑިޑޭޓު އިލްޔާސް ލަބީބުގެ ރަނިންމޭޓަކަށް ހުންނެވި، ހުސައިން އަމްރު ވެސް ވަނީ އެމްޑީޕީ އަށް ސޮއިކޮށްފަ އެވެ.
