ބޭ އޮފް ބެންގަލް ސަރަޙައްދުގައި އުފެދިފައިވާ ކޮޅިގަނޑުގެ ސަބަބުން މި ހަފްތާ އެއްކޮށް ރާއްޖެއަށް މޫސުން ގޯސްވާނެ ކަމަށް މޫސުމާ ބެހޭ ޤައުމީ އިދާރާއިން ބުނެފި އެވެ.
ރާއްޖޭގެ ހުޅަނދު ދެކުނުން އުފެދިފައިވާ ކޮޅިގަނޑު ހުޅަނގަށް ޖެހި، ރާއްޖެ ސަރަހައްދުގައި ބޯ ވިއްސާރަ ވިލާ އުފެދި އޭގެ އަސަރު މާދަމާ އިން ފެށީގެން ރާއްޖެއަށް ކުރާނެ ކަމާށް މޭޓް އޮފީހުން މައުލޫމާތު ދެ އެވެ.އެހެންވެ ރާއްޖޭގެ ބޮޑު ބަޔަކަށް މޫސުން ގޯށްވެ ވިއްސާރަ ކުރާނެ ކަމަށް ވެސް މެޓް އޮފީހުން ބުނެ އެވެ.
މި ވިއްސާރާގައި ބައެއް ހިސާބުތަކަށް ބޯކޮށް ވާރޭވެހުމާއެކު ގުގުރުމާ އަދި އާއްމުވައި ގަދަވެ ކަނޑުތައް ގަދަވާނެކަމަށް ބެލެވޭކަމަށް މޫސުމާ ބެހޭ ޤައުމީ އިދާރާއިން ބުނެ އެވެ.މީގެއިތުރުން އުތުރާއި މެދުރާއްޖެތެރޭގެ ބައެއް ރަށްތަކަށް އުދައިގެ އަސަރުކުރާނެ ކަމަށްވެސް މެޓް އޮފީހުން ވަނީ ބުނެފަ އެވެ.އަދި ގެއްލުން ކުޑަކުރުމަށް އަޅަންޖެހޭ ފިޔަވަޅުތަކަށް ސަމާލުކަން ދިނުމަށްވެސް މެޓް އޮފީހުން ވަނީ ބުނެފައެވެ.
ނިމިދިޔަ 24 ގަޑިއިރު ތެރޭގައި އެންމެ ގިނައިން ވާރޭ ވެހިފައިވަނީ ށ. ފުނަދޫއަށް 24.9މިލިލީޓަރުގެ ވާރެއެވެ. ދެން އެންމެ ގިނައިން ވާރޭވެހިފައިވަނީ ހދ. ކުޅުދުއްފުށްޓަށް 23.1 މިލިލީޓަރ ވާރޭ އަދި ރ.އިފުރަށް 10.0 މިލިލީޓަރ ވާރޭވަނީ ވެހިފައެވެ.
