ރަހިމްގެ ކެންސަރު ނައްތާލުމުގެ ލަނޑުދަނޑި!
ދެންމެ | 18 ޖެނުއަރީ 2025

ރަހިމުގެ ކެންސަރު ނުވަތަ ސަރވައިކަލް ކެންސަރު ނައްތާލުމަށް ވޯލްޑް ހެލްތު އޯގަނައިޒޭޝަން (ޑަބްލިއުއެޗްއޯ) އިން އާ ލަނޑުދަނޑިތަކެއް ކަނޑައަޅައިފިއެވެ.

މި ލަނޑުދަނޑިތަކުގެ ތެރޭގައި 15 އަހަރުން ދަށުގެ 90 ޕަސަންޓު އަންހެން ކުދިންނަށް ވެކްސިން ދިނުމާއި، 45 އަހަރުން ދަށުގެ 70 ޕަސަންޓު އަންހެނުން މަދުވެގެން ދެފަހަރު ސްކްރީން ކުރުން ހިމެނެއެވެ.

ދުނިޔޭގައި އަންހެނުންގެ މެދުގައި އެންމެ ގިނައިން ފެތުރޭ ހަތަރުވަނަ ކެންސަރަކީ ސަރވައިކަލް ކެންސަރެވެ. މި ބަލި އެންމެ ގިނައިން ފެތުރެނީ އާމްދަނީ ދަށް އަދި މެދުމިނުގެ އާމްދަނީ ލިބޭ ގައުމުތަކުގައެވެ. މީގެ މައިގަނޑު ސަބަބަކީ އެ ގައުމުތަކުގައި ސްކްރީނިންގ އާއި ވެކްސިނޭޝަން ޕްރޮގްރާމްތައް އެކަށީގެންވާ ވަރަށް ނުހިންގޭތީއެވެ.

ޑަބްލިއުއެޗްއޯ އިން ބުނީ ސަރވައިކަލް ކެންސަރު ނައްތާލުމަށް ކުރެވޭ މަސައްކަތުގައި ބައެއް ސަރަހައްދުތަކުގައި ކުރިއެރުން ލިބެމުންދާ ކަމަށެވެ. ނަމަވެސް ވެކްސިން ޖެހުމާމެދު ޖެހިލުންވުމާއި، ވެކްސިން ލިބުމުގެ ދަތިކަމާއި، ފުރިހަމަ ސްކްރީނިންގ އަދި ފަރުވާގެ ހިދުމަތްތައް ނުލިބުމަކީ ދިމާވާ ގޮންޖެހުންތަކެކެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!