މޫސުން ގޯސްވެދާނެތީ ސަރުކާރު އިދާރާތަކުން ތައްޔާރުވެއްޖެއެވެ.
ސަރުކާރުގެ ތަރުޖަމާނު ހީނާ ވަލީދް އެކްސްގައި ކުރެއްވި ޕޯސްޓެއްގައި ވިދާޅުވީ ކުރިއަށް އޮތް ދެތިން ދުވަހަށް ރާއްޖޭގެ ބޮޑު ބަޔަކަށް ވާރޭވެހި މޫސުން ގޯސްވާނެ ކަމަށް މޫސުމާބެހޭ އިދާރާއިން ހާމަކޮށްފައިވުމާކު، ރައްޔިތުންނަށް ދިމާވެދާނެ ތަކްލީފުތައް ކުޑަކުރުމަށްޓަކައި ސަރުކާރުގެ ކަމާބެހޭ މުއައްސަސާތަކުން މިހާރުވެސް މަސައްކަތް ފަށާފައިވާކަމަށެވެ.
“ އަދި މޫސުން ގޯސްވުމުގެ ސަބަބުން މުލަ ރޯދަ ދުވަހަށްތައްޔާރު ވުމުގައި ވީހާވެސް ފަސޭހަގޮތަކަށް ރައްޔިތުންނަށް ކަންކަން އިންތިޒާމް ކުރުމަށް މަސައްކަތްކުރާނެ ވާހަކަ ދަންނަވަން.“ ތަރުޖަމާނު ހީނާ ވަލީދު ވިދާޅުވިއެވެ.
މިހާރު ރާއްޖެއަށް ކުރަމުންދާ ވިއްސާރާގައި ރާއްޖޭގެ ހުރިހާ ހިސާބަކަށް އަންނަނީ ވާރޭ ވެހުމުންނެވެ. ވެރިރަށް މާލެއަށްވެސް މިއަދު މެންދުރުން ފެށިގެން ހުއްޓާ ނުލާ އަންނަނީ ވާރޭ ވެހެމުންނެވެ.
