ރޮހިންގާ މުސްލިމުންގެ ނަސްލު ނައްތާލުމަށް ކުރި މަސައްކަތާ ގުޅިގެން ގެމްބިއާއިން ބައިނަލްއަގުވާމީ ކްރިމިނަލް ކޯޓް(އައިސީޖޭ) އަށް ހުށަހެޅި މައްސަލައިގެ ތެރެއަށް ރާއްޖެއިން ތަދައްހުލުވެފައިވާތީ އެ މައްސަލައިގައި ރާއްޖެއިން ލިޔުމުން ”އޮބްޒަވޭޝަންސް“ ބަންޑާރަ ނައިބު އަހުމަދު އުޝާމްގެ ފަރާތުން އައިސީޖޭއަށް ހުށަހަޅައިފި އެވެ.
އެޓާނީ ޖެނެރަލްގެ އޮފީހުން މިއަދު ނެރުނު ބަޔާނުގައި ބުނީ އެ ލިޔުންތައް ހުށަހެޅީ މިދިޔަ މަހުގެ 28 ވަނަ ދުވަހު ކަމަށެވެ.
ގެމްބިއާއިން އެ މައްސަލަ އައިސީޖޭއަށް ހުށަހެޅީ 2019 ވަނަ އަހަރު އެވެ. އަދި ރާއްޖެއިން އެ މައްސަލައިގެ ތެރެއަށް ތަދައްހުލުވުމަށް ހުށަހެޅުމުން މިދިޔަ އަހަރުގެ ފެބްރުއަރީ މަހު އައިސީޖޭއިން ވަނީ އެކަން ބަލައިގަނެ ލިޔުމުން އޮބްޒަވޭޝަން ހުށަހެޅުމަށް ރާއްޖެއަށް އޮތީ ފުރުސަތު ދީފަ އެވެ.
އެޓާނީ ޖެނެރަލް އޮފީހުން ބުނީ ރޮހިންޖާގެ މުސްލިމުންނަށް އަދުލު އިންސާފު ހޯދައިދީ، ގަތުލު އާންމުގެ ކުށް ހުއްޓުވައި އަދަބު ދިނުމާގުޅޭ މުއާހަދާ ތަންފީޒުކުރުމަށް ބައިނަލްއަގުވާމީ މައިދާނުގައި ކުރާ މަސައްކަތްތަކަށް ރާއްޖެއިން އަބަދުވެސް އެއްބާރުލުން ދިނުމުގައި ސާބިތުކަމާއެކު ދެމިއޮންނާނެ ކަމަށެވެ.
