75 ރަށެއްގައި ޕޮލިސް ސްޓޭޝަން އަޅަން ހަވާލު ކޮށްފި
ދެންމެ | 14 މާރޗް 2025

އާރުޑީސީ އާއި ފެނަކަ އަދި އެމްޓީސީސީއަށް ގިނަ އަދަދެއްގެ ފުލުހުންގެ މަރުކަޒް ތަށް އެޅުމަށް ހަވާލުކޮށްފި އެވެ.

75 ރަށުގައި ފުލުހުންގ މަރުކަޒްތަށް ގާއިމްކުރުމަށްޓަކައި އެ ކުންފުނިތަކާއެކު އެއްބަސްވުމުގައި ވަނީ ސޮއިކޮސްފައެވެ. އެގޮތުން އެމްޓީސީސީން 15 ރަށެއްގައި، އާރްޑީސީއިން 20 ރަށެއްގައި އަދި ފެނަކައިން 40 ރަށެއްގައި ފުލުހުންގެ ޢިމާރާތް ތަރައްޤީކުރުމަށް އެއްބަސްވުމުގައިވަނީ ސޮއިކޮށްފައެވެ.

ސޮއި ކުރެވުނު އެއްބަސްވުން ތަކުގެ ދަށުން ތަފާތު ކެޓަގަރީ ތަކުގެ ފުލުހުންގެ މަރުކަޒްތަށް ތަރައްގީ ކުރެވިގެންދާނެ ކަމަށް ފުލުހުންގެ ފަރާތުން ވަނީ މައުލޫމާތު ދެއްވާފައެވެ. އެގޮތުން ފުލުހުންގެ ޚިދުމަތް ސަރަހައްދީ ފެންވަރުގަިއ ތަރައްޤީކުރުމަށް ބޭނުންވާ ޢިމާރާތް ތަކާއި، އަތޮޅު ފެންވަރުގައި ފުލުހުންގެ ޚިދުމަތް ތަރައްޤީކުރުމަށްޓަކައި ބޭނުންވާ އިމާރާތްތަކާއި، ރަށްރަށުގައި ފުލުހުންގެ ޚިދުމަތް އަލުން ފެށުމަށާއި ތަރައްްޤީކުރުމަށް ބޭނުންވާ ޕޮލިސް ސްޓޭޝަންތައް ޤާއިމްކުރުން ހިމެނެއެވެ.

އޭގެ އިތުން އެ މަޝްރޫޢުތަކުގެ ތެރޭގައި ޕޮލިސް ޕޯސްޓުތަކާއި ފުލުހުންގެ އެކޮމޮޑޭޝަން ބްލޮކްތައްވެސް ތަރައްޤިކުރުމަށް ހަމަޖެހިފައިވާ ކަމަށް ފުލުހުންގެ ފަރާތުން ވަނީ ބުނެފައެވެ.

ކުންފުނިތަކާއި މަސައްކަތް ހަވާލުކުރުމަށް ބޭއްވި ރަސްމިއްޔާތުގައި އެއްބަސްވުންތަކުގައި ފުލުހުންގެ ފަރާތުން ސޮއިކުރެއްވީ ޑެޕިއުޓީ ކޮމިޝަނަރ އޮފް ޕޮލިސް ފަރުހާދު ފިކުރީއެވެ. އެމްޓީސީސީ އާއި ހަވާލުކުރި ޕްރޮޖެކްތް ތަކުގެ އެއްބަސްވުންތަކުގައ އެ ކުންފުނީގެ ފަރާތުން ސޮއިކުރެއްވީ ސީއީއޯ އަދި މެނޭޖިންގ ޑިރެކްޓަރ، ޑެޕިއުޓި ކޮމިޝަނަރ އޮފް ޕޮލިސް ރިޓަޔާޑް އަޙްމަދު ސަޢުދީއެވެ.

އަދި އާރްޑީސީއާއި ހަވާލުކުރި ޕްރޮޖެކްތް ތަކުގެ އެއްބަސްވުންތަކުގައި އެ ކުންފުނީގެ ފަރާތުން ސޮއިކުރެއްވީ މެނޭޖިންގ ޑިރެކްޓަރ، ބްރިގޭޑިއަރ ޖެނެރަލް ރިޓަޔާރޑް ޢަލީ ޒުހައިރެވެ. މީގެއިތުރުން ފެނަކަ ކޯޕަރޭޝަން އާއި ހަވާލުކުރި ޕްރޮޖެކްތް ތަކުގެ އެއްބަސްވުންތަކުގައި ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ މޭޖަރ ރިޓަޔަރޑް މުޙައްމަދު ނަޖާޙެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!